Andreas Jonsson Kaddeland () var ein norsk gardbrukar og politikar frå Holum i Vest-Agder.
Han gjekk ut frå Holt seminar i 1877 og tok studenteksamen 1886 ved Aars og Voss skole i hovudstaden. To år seinare avla han 2. eksamen ved universitetet. År 1889 tok han over farsgarden Nedre Kaddeland i Holum og dreiv denne til han døydde. Levde ugift.
Kaddeland var medlem i heradsstyret frå 1896 og formannskapet frå 1898. Ordførar i Holum 1911-16. Elles forlikskommissær frå 1901. Etter den valde representanten frå Mandalens krins, Thore Foss døydde, møtte Kaddeland i Stortinget frå 17. mars 1913 og ut 1915-sesjonen. Han var då medlem i Vegkomiteen.
Kjelder Lindstøl, Tallak: Stortinget og Statsraadet 1814-1914. Kristiania, 1914.
Kategori:Stortingsrepresentantar 1913-1915 Kategori:Stortingsrepresentantar for Vest-Agder Kategori:Stortingsrepresentantar frå Venstre Kategori:Ordførarar i Holum Kategori:Norske gardbrukarar Kategori:Folk frå Mandal