«Tutta l’Italia» (norsk omsetjing ‘Heile Italia’) er ein song frå 2025 av den italienske DJ-en og produsenten Gabry Ponte, med ukrediterte vokalar framførte av Andrea Bonomo. Songen vart gjeven ut gjennom Gekai og Warner 31. januar 2025, og vart brukt som den offisielle temalåten for Sanremo-festivalen 2025. Songen vann seinare San Marino Song Contest og var det sanmarinske bidraget i Eurovision Song Contest 2025.
Bakgrunn og komposisjon Songen vart skriven og komponert av Gabry Ponte, Edwyn Roberts og Andrea Bonomo. Songen kombinerer elektroniske og dansebeat med element frå italiensk songtradisjon, som trekkspel, tarantella og referansar til italiensk populærkultur. Han nådde fjortandeplass på den italienske singellista.
Eurovision Song Contest 2025 San Marino Song Contest Finalen av San Marino Song Contest fann stad 8. mars 2025 i Teatro Nuovo i Dogana og vart leia av Flora Canto og Francesco Facchinetti. Finalen omfatta ni førehandskvalifiserte bidrag og elleve bidrag som kvalifiserte seg frå semifinalane og ein andre sjanse-runde. Dei tjue finalistane vart kunngjorde av SMRTV 25. februar 2025, før semifinalane var ferdige med å bli sende. Blant dei førehandskvalifiserte bidraga var Gabry Ponte med songen «Tutta l’Italia». To veker tidlegare, i perioden 11. til 15. februar, var «Tutta l’Italia» blitt brukt som temasong under den italienske Sanremo-festivalen.
«Tutta l’Italia» vann San Marino Song Contest og vart dermed det sanmarinske bidraget i Eurovision Song Contest 2025.
I Eurovision Song Contest Under trekkinga av semifinalane den 28. januar 2025 blei San Marino trekt ut til å delta i den fyrste semifinalen, der dei opptredde i den andre halvdelen av showet. San Marino kvalifiserte seg til finalen etter å ha enda på tiandeplass i semifinalen. I finalen enda songen på 26. plass med 27 poeng.
Listeplasseringar + Liste (2025) Høgasteplassering Hellas International (IFPI) 94 Island (Tónlistinn) 27 Italia (FIMI) 14 Italia Airplay (EarOne) 23 Lithuania (AGATA) 32 Litauen Airplay (TopHit) 25 San Marino Airplay (SMRTV Top 50) 41 Sverige (Sverigetopplistan) 91
Kjelder
Denne artikkelen bygger på «Tutta l’Italia» frå , den 6. november 2025.
Kategori:Sanmarinske Eurovision Song Contest-songar Kategori:Eurovision Song Contest 2025-songar Kategori:Italienskspråklege Eurovision Song Contest-songar Kategori:Engelskspråklege Eurovision Song Contest-songar Kategori:Fleirspråklege Eurovision Song Contest-songar