Haavard Nikolai Hanssen () var ein norsk gardbrukar, fiskar og politikar frå Hadsel i Nordland. Han var ordførar i Hadsel og stortingsmann 1934-36 for Bondepartiet.
Hanssen dreiv fiske frå han var 13 år gammal. I 25 år fiska han ved Lofoten, Vesterålen og på Finnmarka, 18 år som høvedsmann. Han var også utlært smed og aktiv i yrket frå 1898 til 1912. Gardbrukar på Kalsnes i Hadsel frå 1894.
Hanssen var medlem av kommunestyret frå 1901 til 1936, bortsett frå ein valbolk på tre år. Ordførar i Hadsel frå 1929 til 1934. 1913-28 fattigforstandar, elles utskiftnings- og skjønsmann, formann i overlikninga i kommunen i sju år. «Han hadde en viktig rolle i utbyggingen av de sosiale tjenester i kommunen». Etter å ha vore varamann til Stortinget 1931-33, hadde han fast stortingsplass 1934-36. På Tinget var han medlem i Sjøfarts- og fiskerikomitéen.
Kjelder
Hadsel bygdebok 1 «Stortinget : 1934-36»
Kategori:Stortingsrepresentantar 1934-1936 Kategori:Norske fiskarar Kategori:Norske gardbrukarar frå 1900-talet Kategori:Folk frå Hadsel