«Snap» (norsk omsetjing 'knipse' eller 'klikke') er ein popsong frå 2022 som vert framført av den armenske songaren Rosa Linn. Songen er skriven av artisten sjølv, saman med Larzz Principato, Jeremy Dusoulet, Allie Crystal, Tamar Kaprelian og Courtney Harrell. «Snap» var det armenske bidraget til Eurovision Song Contest 2022 i Torino i Italia. I tevlinga enda songen på 20. plass, men seinare same år fekk songen større suksess då han gjekk viralt på sosiale medium.
Om songen Det offentlege TV-selskapet i Armenia valde i mars 2022 Rosa Linn til å representere Armenia i Eurovision Song Contest same året. Låten ho deltok med var «Snap», og songen vart offentleggjord 19. mars 2022. Ifølgje artisten er songen ei reise inn til hennar indre verd, ei personleg historie som alle kan kjenne seg igjen i: «Eg trur vi alle har vore på nippet til å klikke, på ein stad der det ikkje følast som om det er nokon veg ut, og at heile verda fell saman rundt deg», sa Rosa Linn då songen vart presentert. «Snap» handlar om å byrje å tvile på alt, inkludert seg sjølv, før ein skjønar at ein har styrken til å klare seg og finne «ein indre fred».
«Snap» var siste låt ut på scena i den fyrste semifinalen av Eurovision Song Contest 2022 tysdag 10. mai. Der vart han nummer fem og kvalifiserte seg til finalen laurdag 14. mai. I finalen laurdag 14. mai vart songen nummer 20 av 25.
Viral suksess Nokre veker etter Eurovision Song Contest brukte fleire TikTok-brukarar «Snap» som bakgrunnssong på videoane sine. Blant dei var den amerikanske skodespelaren Reese Witherspoon. «Snap» fekk etter kvart god spreiing på sosiale medium, og den nye suksessen gjorde at låten tok seg inn på singellister i nærare 30 land. Songen nådde topp 10 i Austerrike, Belgia, Irland, Latvia, Nederland, Noreg, Romania, Sveits og Sverige. I Storbritannia klatra «Snap» til plass 26 på UK Singles Chart, den nest høgaste plasseringa blant låtane i Eurovision Song Contest 2022 – berre slegen av Storbritannias eigen Sam Ryder og «Space Man».
Listeplasseringar Liste (2022)Høgasteplassering Austerrike (Ö3 Austria Top 40)6 Australia (ARIA)20 Belgia (Ultratop Flandern)7 Belgia (Ultratop Vallonia)50 Canada (Canadian Hot 100)52 Frankrike (SNEP)152Global 200 (Billboard)22 Hellas (IFPI Greece)20 Irland (IRMA)6 Island (Tónlistinn)25 Indonesia (Billboard)19 Italia (FIMI)56 Kroatia (Billboard)22 Latvia (EHR)1 Libanon (The Official Lebanese Top 20)11 Litauen (AGATA)21 Malaysia (Billboard)22 Nederland (Nederlandse Top 40)9 Nederland (Single Top 100)9 New Zealand (RMNZ)38 New Zealand (RMNZ) (høg og rask-versjon)31 Noreg (Topplista)8 Polen (Airplay Top 100)70 Portugal (AFP)24 Romania (Romanian Radio Airplay)6 Romania (Romania TV Airplay)8 Russland (TopHit)33 Singapore (Billboard)19 Singapore (RIAS)17 Slovakia (Singles Digitál Top 100)18 Spania (PROMUSICAE)96 Storbritannia (UK Singles)26 Storbritannia (UK Indie)1 Sveits (Schweizer Hitparade)5 Sverige (Sverigetopplistan)8 Sør-Afrika (RISA)37 Tsjekkia (Singles Digitál Top 100)16 Tyskland (Deutsche offizielle Charts)14 Ungarn (Stream Top 40)29 USA (Billboard Hot 100)82 USA (Bubbling Under Hot 100)22 USA (Mainstream Top 40)23 USA (Adult Top 40)16 USA (Rock & Alternative Airplay)21
Kjelder
Denne artikkelen bygger på «Snap (Rosa Linn-sang)» frå , den 3. desember 2022.
Kategori:Songar frå 2022 Kategori:Armenske Eurovision Song Contest-songar Kategori:Eurovision Song Contest 2022-songar Kategori:Engelskspråklege Eurovision Song Contest-songar