Chesterfield Inlet (inuktitut Igluligaarjuk, ᐃᒡᓗᓕᒑᕐᔪᒃ) er ein busetnad ved kysten av Hudsonbukta i Kivalliq i det kanadiske territoriet Nunavut. Han ligg ved munningen av Chesterfield-bukta, eller Chesterfield Inlet, same namn som busetnaden. I 2016 hadde staden 437 innbyggjarar. Chesterfield Inlet Airport ligg i nærleiken av busetnaden.
Namn og historie Namnet Igluligaarjuk tyder 'stad med nokre få hus'. Chesterfield Inlet har namn etter Philip Dormer (Stanhope), 4. jarlen av Chesterfield (1694-1773), som var Secretary of State for the Northern Department 1746-48. Namnet blir også forkorta til Chester.
Busetnaden blei skipa på midten av 1800-talet. Han ligg langs Nordvestpassasjen, og på 1800-talet kunne kvalfangarar som kom til området overvintra her eller i nærleiken. Dei hyra inuittar til å jakta med seg. Tidleg på 1900-talet blei han hovudsenteret for Hudson’s Bay Company sine handelspostar i området knytte til pelshandelen.
I 1914 skipa Royal North West Mounted Police ein stasjon her, etter tidlegare å ha vore i Cape Fullerton, nordaust for Chesterfield Inlet. Politiet patruljerte kysten og administrerte kvalfangst, toll, og heldt orden.
Folkesetnad
Ved folketeljinga i 2021 hadde Chesterfield Inlet 397 innbyggjarar som budde i 116 av dei totalt 131 private husa her.
Klima Chesterfield Inlet har subarktisk klima (Dfc) med korte, kjølige somrar og lange, kalde vintrar.
mini|Lessing av varer i Chesterfield Inlet. Frå arkivet til Hudson’s Bay Company.
Kjelder
Denne artikkelen bygger på «Chesterfield Inlet» frå , den 13. oktober 2022.
Bakgrunnsstoff
Kategori:Busetnader i Nunavut Kategori:Stader i Canada kalla opp etter britar