Luke Robert Hemmings () er ein australsk songar/låtskrivar og musikar, best kjend for å vere vokalist og rytmegitarist i det australske poprock-bandet 5 Seconds Of Summer. Sidan 2014 har 5 Seconds Of Summer selt meir enn 10 millionar album, over to millionar konsertbillettar globalt, og songane til bandet har blitt strøyma over 7 milliardar gongar, noko som gjer dei til ein av dei mest vellukka australske musikarane i historia.

Det fyrste studioalbumet hans, When Facing The Things We Turn Away From, vart gjeve ut gjennom Sony Music Australia den 13. august 2021. When Facing The Things We Turn Away From debuterte på toppen av Aria Albums Chart og var inne på topp 20 i Belgia, Skottland, og Storbritannia.

Tidleg liv Hemmings vart fødd og oppvaksen i Freemans Reach, ein forstad i Hawkesbury-distriktet i New South Wales. Far hans, Andrew Hemmings, var tidlegare tilsett som vedlikehaldsarbeidar, mens mor hans, Liz Hemmings, er ein tidlegare rekneskapsførar som vart vidaregåande matematikklærar. Seinare jobba ho med fotografi. Hemmings har to eldre brør, Ben og Jack, som begge tidlegare jobba innan bygg og anlegg, men så blei eigarar av eit klesmerke som sel streetwar. Hemmings har utdjupande snakka om oppveksten sin i arbeidarklassen: «Byrjinga [til bandet] var så enkel. Eg voks opp i eit lite hus midt i ingenstad.» Då Hemmings var 10 år gammal, lærte brørne hans han å spele gitar. Seinare fekk dei han til å ta profesjonelle gitartimar og lære frå opplæringsvideoar på YouTube for å bli betre til å spele instrumentet. I tenåra byrja Hemmings å spele på gata.

I 7. klasse byta Hemmings skular. Han byrja på Norwest Christian College der han møtte sine framtidige band-medlem, Calum Hood og Michael Clifford. Seinare avdekkja han at han i utgangspunktet mislikte, og var «fiendar» med Clifford. Hemmings vart til slutt ven med Hood etter at dei spelte eit Secondhand Serenade-cover på eit talentshow på skulen, og seinare vart han ven med Clifford etter han fann ut at dei hadde liknande musikksmak. Etter at bandet vart berømt, heldt Hemmings fram med den vidaregåande utdanninga si, men han valde å byte til fjernundervisning. I 2013 valde han å ikkje fullføre 12. klasse, det siste året av vidaregåande skulegang i Australia, på grunn av forpliktinga si til bandet.

Karriere

2011–i dag: 5 Seconds Of Summer mini|5 Seconds of Summer i 2014. mini|5 Seconds of Summer ved B96 Pepsi Summer Bash i 2019. I 2011, i ein alder av 14 år, byrja Hemmings å leggje ut coverlåtar på YouTube, under brukarnamnet «hemmo1996». Hemmings sin fyrste video, eit cover av Mike Posner sin song «Please Don't Go», vart lagt ut den 3. februar 2011. Då Hemmings sine coverlåter byrja å få visningar på plattforma, inviterte han Hood Og Clifford til å vere med i videoane hans. Trioen fekk til slutt også med ein felles venn, Ashton Irwin, på videoane. Dei fire danna bandet 5 Seconds Of Summer. Den fyrste offisielle konserten deira var 3. desember 2011, på ein bar i heimbyen. Etter månader med å leggje ut coverlåtar saman, byrja bandet å tiltrekkje seg interesse frå store plateselskap og utgjevarar, og dei signerte ei publiseringsavtale med Sony/ATV Music Publishing. Hemmings har sidan det gjeve ut seks studioalbum med bandet. Kvart av dei har hatt global suksess. Albuma er: 5 Seconds Of Summer (2014), Sounds Good Feels Good (2015), Youngblood (2018) og Calm (2020), 5SOS5 (2022) og Everyone's a Star! (2025).

Utanom bandet har Hemmings også vore modell. Hemmings og bandkameratane er signerte med kjendisavdelinga til Wilhelmina Models. I februar 2019 deltok Hemmings på New York Fashion Week, der han debuterte som modell og gjekk på catwalken for Philipp Plein sin Haust/vinter 2019 Ready-To-Wear-kolleksjon. I juli 2019 spelte Hemmings i ein video frå Numéro Homme. I desember 2019 vart Hemmings omtalt som omslagsmodell på vinter 2019-utgåva av bladet Glass Man.

2021: Solokarriere I juni 2021 annonserte Hemmings debutsoloalbumet sitt, When facing The Things We Turn Away From, som vart utgjeve 13. august 2021. Før albumet gav han ut singlane «Starting Line», «Motion» og «Place In Me».

I mars 2024 ut Hemmings singelen «Shakes» og kunngjorde eit nytt soloprosjekt, Boy. Etter ein andre singel, «Close My Eyes», kom EP-en Boy ut 26. april 2024. 4. mai 2024 byrja Hemmings den fyrste soloturneen sin, Nostalgia For a Time That Never Existed, som enda 16. juni. Ei planlagd utviding av turneen i USA blei kunngjort for seint i 2024 den 13. august, men vart kansellert den 21. oktober. 16. November 2024 opptredde Hemmings ved Corona Capital-festivalen i Mexico. 6. desember 2024 gav Hemmings ut ein konsert-EP, Nostalgia (Live from Los Angeles), som var spelt inn under fyrste delen av turneen, med singelen «Close My Eyes (Live)».

Privatliv I 2015 starta Hemmings eit på-og-av forhold med sosiale medier influenser Arzaylea Rodriguez. Paret avslutta forholdet i mai 2017.

Den 8. juni 2021, annonserte Hemmings på instagramkontoen sin at han var trulova med kjærasten Sierra Deaton. Han stadfesta at dei to var gifte under den 81. Golden Globe Awards-utdelinga. Paret er busett i Los Angeles.

22. august 2025 kunngjorde Hemmings på Instagram at han og Sierra hadde fått ei dotter saman.

Diskografi

Soloartist Studioalbum + Tittel Detaljar Topplasseringar Sal AUS BEL(FL) NLD NZ POL SCOPeak positions for Luke Hemmings albums on the Scottish Albums Chart: When Facing Things We Turn Away From: Boy: SPA UK US USRock When Facing the Things We Turn Away From Dato: 13. august 2021 Selskap: Sony Music Australia Format: CD, LP, strøyming, digital nedlasting 1 141 64 33 16 13 50 51 124 17 USA: 6000

EP-ar + Liste over solo-EP-ar Tittel Detaljar Topplasseringar AUS BEL(FL) NLD POL SCO UK US USRock Boy Dato: 26. april 2024 Selskap: Arista, Sony Format: CD, LP, strøyming, digital nedlasting 4 70 11 21 7 22 99 18 Nostalgia (Live from Los Angeles) Dato: 6. desember 2024 Selskap: Arista, Sony Format: strøyming, digital nedlasting — — — — — — — —

Singlar Tittel År Topplasseringar Album NZHot «Starting Line» 2021 31 When Facing the Things We Turn Away From «Motion» — "Place in Me" — «Baby Blue» 38 «Shakes» 2024 — Boy «Close My Eyes» — «Close My Eyes (Live)»—Nostalgia (Live from Los Angeles)

Låtskriving År Tittel Artist Album Merknad2014«Teenage Queen»Donghae & EunhyukRide MeKomponist 2017 Who's Laughing Now Goldfinger The Knife Komponist 2019 Forgive Gnash Medlåtskrivar, komponist, gitar, instrumentasjon, programmering, vokal

Med 5 Seconds of Summer

5 Seconds of Summer (2014) Sounds Good Feels Good (2015) Youngblood (2018) CALM (2020) 5SOS5 (2022) Everyone's a Star! (2025)

Kjelder

Denne artikkelen bygger på «Luke Hemmings» frå , den 24. april 2022.

Bakgrunnsstoff

Kategori:Australske musikarar Kategori:Musikarar frå 2000-talet