Peter Andersen (), kjend under artistnamnet DQ, er ein dansk songar, revyskodespelar og dragartist. Han vann Dansk Melodi Grand Prix i 2007 med songen «Drama Queen» og representerte Danmark i Eurovision Song Contest i Helsingfors same år. Songen vart slått ut i semifinalen.
Bakgrunn Andersen vart fødd i Næstved i Danmark. Han starta songkarrieren sin i bandet Turn on Tina i 1997, der han imiterte Tina Turner. Bandet turnerte konsertar og festivalar både i Danmark og utlandet.
Seinare skapa Andersen artistpersonlegdomen DQ. Han produserte eit eige dragshow og underheldt på firmafestar, konsertar og privatfestar. Han spela også fast på Cafe Frederik i Esbjerg i over ti år. Han opptredde også med dragshowet sitt over heile Europa og i Thailand, Canada og Grønland.
I 2007 vart Andersen landskjend i Danmark då han vann Dansk Melodi Grand Prix med songen «Drama Queen». I kjølvatnet av sigeren fekk han ei rekkje nye oppdrag, inkludert som fast revyskodespelar saman med artistar som Anne Herdorf, Ann Hjort, Ulla Jessen, Rasmus Krogsgaard, Jesper Søgaard, Kim Brandt, Randi Winter og Lars Arvad.
Han har også opptredd i fleire danske tv-program, blant anna Go’ morgen Danmark, Aftenshowet, Fredag i farver og Masterchef. Han opptrer også regelmessig på show og konsertar.
Kjelder
Denne artikkelen bygger på «DQ (artist)» frå , den 21. april 2022.
Bakgrunnsstoff
Kategori:Dansk Melodi Grand Prix-vinnarar Kategori:Danske Eurovision Song Contest-deltakarar Kategori:Eurovision Song Contest 2007-deltakarar Kategori:Dragshow