Richard Price () var ein engelsk bassist som spelte med ulike Birmingham-baserte rockeband, som Sight and Sound, The Move (1969–1971) og Wizzard (1972–1975).Kutner, Jon & Leigh, Spencer (2013) 1,000 UK Number One Hits, Omnibus Press, «Special Merit Picks», Billboard, 5. juni 1971, p. 40. Henta 12. juni 2014
Karriere Price vart fødd i Birmingham. Det første bandet hans var The Cimarrons, som var inspirerte av The Shadows.Eder, Bruce «Rick Price Biography», Allmusic. Henta 18. april 2022 Han flytta så til The Sombreros, som seinare endra namnet sitt til Sight & Sound og gjekk i ei meir psykedelisk retning. Han byrja å samarbeide med Mike Sheridan for å skrive songar. Price vart med i The Move i 1969 og var med gruppa i to år, inkludert ein mislykka turné i USA. Han bidrog òg med bass på tidlege innspelingar for debutalbumet til ELO, men av uklåre årsaker vart ingen av basspartia hans med på den endelege miksen av albumet då det kom ut i 1971.
Etter han slutta i The Move signerte han ein kontrakt med Gemini Records. Han spelte så inn albumet This Is To Certify That (med Sheridan) i 1970 og eit soloalbum, Talking To The Flowers, i 1971.Eder, Bruce «This Is To Certify: Gemini Anthology Review», Allmusic. Henta 18. april 2022 Han vart med tidlegare Move-kollega Carl Wayne i Light Fantastic, før dei danna Mongrel med dei framtidige Wizzard-trommeslagarane Charlie Grima og Keith Smart.Auslander, Philip (2006) Performing Glam Rock: Gender and Theatricality in Popular Music, University of Michigan Press, , p. 177
Han byrja å spele med Wood igjen i det nye bandet hans, som fekk to store hitsinglar i Storbritannia, «See My Baby Jive» og «Angel Fingers», i tillegg til juleklassikaren «I Wish It Could Be Christmas Everyday» (alle i 1973).
Etter at Wizzard vart oppløyst, vart han med i Wizzo Band på pedalsteelgitar i 1975, men dei vart oppløyst i 1978. Price var òg medlem av The Rockin' Berries frå 1990.
Price var gift med Dianne Lee frå duoen Peters and Lee.British Hit Singles and Albums, Guinness, 2005, s. 140
Kjelder
Denne artikkelen bygger på «Rick Price» frå , den 18. april 2022. oppgav desse kjeldene:
Bakgrunnsstoff
Kategori:Engelske rockebassistar Kategori:The Move-medlemmar Kategori:Musikarar frå Birmingham Kategori:Electric Light Orchestra-medlemmar Kategori:Pedalsteelgitaristar Kategori:Engelske songarar Kategori:Engelske låtskrivarar Kategori:Wizzard-medlemmar