«Sunday Morning» er ein song av The Velvet Underground. Det er opningssporet på debutalbumet deira The Velvet Underground & Nico frå 1967. Songen vart òg gjeven ut på singel i 1966. Songen er skriven i F-dur.

Innspeling Seint i 1966 var «Sunday Morning» den siste songen spelt inn for The Velvet Underground & Nico. Han vart tinga av Tom Wilson, som meinte albumet trengde ein song til med solovokal av Nico med potensiale om å bli ein suksessrik singel.

I november 1966 henta Wilson bandet til Mayfair Recording Studios på Manhattan. Songen vart skriven med røysta til Nico i tankane av Lou Reed og John Cale ein søndagsmorgon. Bandet hadde tidlegare spelt songen på scenen med Nico på vokal, men då det var tid for å spele inn songen, var det Lou Reed som song solovokal. Nico song i staden korvokal på songen.

Med mål om å skape ein hit for albumet, har «Sunday Morning» ein langt meir frodig og profesjonell produksjon enn resten av songane på albumet. Ideen om å bruke mykje celesta kom frå John Cale, som fann instrumentet i studioet og valde å bruke det på songen. Han spelte òg bratsj og piano og Sterling Morrison, som normalt var andregitarist, spelte bass, trass i at han mislikte instrumentet. According to the website, the quote is from John Cale’s autobiography, What’s Welsh for Zen (NY: St. Martin’s Press (2000).

I følgje Reed vart temaet i songen føreslått av Andy Warhol. «Andy sa, 'Kvifor lagar du ikkje berre ein song om paranoia?' Eg tenkte det var glimrande så eg kom opp med 'Watch out, the world's behind you, there's always someone around you who will call... It's nothing at all' som eg kjenner er den ultimate paranoide saken å sei om at verda bryr seg nok til å sjå deg.»Bockris, p. 134-145

Mottaking AllMusic-skribenten Mark Deming skreiv at songen er «draumande pop», den einaste songen av det slaget på albumet.

Medverkande Lou Reed – solovokal, sologitar John Cale – celesta, bratsj, piano Sterling Morrison – bassgitar Maureen Tucker – perkusjon Nico – korvokal

Coverversjonar «Sunday Morning» har blitt spelt av mange band og artistar, som Rusty, Villagers, Bettie Serveert, Beck, Chris Coco & Nick Cave, Nina Hagen, James, Oh-OK, Elizabeth Cook, NY Loose, The Feelies, Orchestral Manoeuvres in the Dark, The Queers, Strawberry Switchblade, Wally Pleasant og Matthew Sweet & Susanna Hoffs.

Kjelder

Denne artikkelen bygger på «Sunday Morning (The Velvet Underground song)» frå , den 22. mars 2022. oppgav desse kjeldene:

Kategori:The Velvet Underground-songar Kategori:Singlar frå 1966 Kategori:Songar skrivne av Lou Reed Kategori:Songar produserte av Tom Wilson Kategori:Songar skrivne av John Cale Kategori:Songar frå 1966 Kategori:Verve Records-singlar Kategori:Beck-songar Kategori:Nick Cave-songar Kategori:Nina Hagen-songar Kategori:James-songar Kategori:Orchestral Manoeuvres in the Dark-songar Kategori:Susanna Hoffs-songar