Francesco Gabbani () er ein italiensk songar og låtskrivar. Han vart kjend i Italia etter å vunne nykommarklassen i San Remo-festivalen i 2016 med songen «Amen». I 2017 vann han klassen for etablerte artistar i same tevlinga med «Occidentali's Karma», som òg var det italienske bidraget i Eurovision Song Contest i Kyiv 13. mai 2017.
Karriere
Gabbani slapp sitt debutalbum Greitist Iz i 2010 og fekk kontrakt med plateselskapet BMG i 2015 . Året etter deltok han i San Remo-festivalen, arrangert av den italienske kringkastaren RAI. Der vann han nykommarklassen med «Amen». Han mottok òg kritikarprisen for songen.
«Amen» vart sloppen som singel og vart òg inkludert på albumet Eternamente ora. I 2016 komponerte han soundtracket til den italienske komedien Poveri ma ricchi, regissert av Fausto Brizzi.
I 2017 var Gabbani tilbake i San Remo-festivalen, denne gongen i klassen for etablerte artistar. Der deltok han med «Occidentali's Karma» som enda med å vinne tevlinga laurdag 11. februar. Etter sigeren stadfesta han og RAI at songen skulle representere Italia i Eurovision Song Contest 2017. Der enda songen på ein sjetteplass.
I 2019 gav Gabbani ut singelen «È un'altra cosa», den fyrste singelen frå hans fjerde album Viceversa. I 2020 deltok Gabbani på ny i San Remo-festivalen med songen «Viceversa». Gabbani og songen «Viceversa» enda på andreplass, bak Diodato og songen «Fai rumore». Singelen «Viceversa» nådde ein andreplass på den italienske singlelista og vart sertifisert med platina av Federazione Industria Musicale Italiana (FIMI).
Diskografi Under er eit oversyn over singlar og album som Gabbani har gjeve ut:
Album
Greitist Iz (2013) Eternamente ora (12. februar 2016) Magellano (28. april 2017) Viceversa (14. februar 2020)
Singlar ÅrTittelListe-plasseringSertifiseringerAlbumItalia2009«Filodoro» (som bi-artist)— rowspan="3" 2011«Estate»—«Maledetto amore»—2013«I dischi non si suonano»—Greitist Iz«Clandestino»—2015«Amen»14PlatinaEternamente ora2016«Eternamente ora»—«In equilibrio»—«Foglie al gelo»—Poveri ma ricchi: Soundtrack2017«Occidentali's Karma»1Trippel platinaMagellano«Tra le granite e le granate»78Tankestrek indikerer at singelen ikkje nådde lista.
Referansar
Denne artikkelen bygger på «Francesco Gabbani» frå , den 30. desember 2021.
Kategori:Italienske songarar Kategori:Festival della Canzone Italiana di Sanremo-vinnarar Kategori:Italienske Eurovision Song Contest-deltakarar Kategori:Italienske Eurovision Song Contest-låtskrivarar Kategori:Eurovision Song Contest 2017-deltakarar Kategori:Eurovision Song Contest 2017-låtskrivarar Kategori:Marcel Bezençon Awards-vinnarar