Riverside Church er ei fleirkyrkjeleg kyrkje i Morningside Heights i Manhattan i New York. Ho ligg i kvartalet mellom Riverside Drive, Claremont Avenue, 120th Street og 122nd Street i nærleiken av Morningside Heights-campusen til Columbia University og imot minnesmerket Grant's Tomb. Kyrkja er knytt til American Baptist Churches USA og United Church of Christ. Ho blei skipa av den filantropiske forretningsmannen og baptisten John D. Rockefeller Jr. i samarbeid med den presbyteriske presten Harry Emerson Fosdick som ei stor kyrkje for fleire kyrkjesamfunn i det akademiske nabolaget Morningside Heights.
Historie mini|venstre|Riverside Church mellom Grant's Tomb (venstre) og The Interchurch Center
Den opphavlege bygningen opna i 1930. Han var utforma av Henry C. Pelton og Allen & Collens i nygotikk. Kyrkja har eit skip med fem travéar, kor framme i skipet, eit tårn på 22 etasjar og ei høgd på over skipet; ein forhall (narthex) og eit kapell; og ein krossgang mellom austinngangen og Claremont Avenue. Nær toppen av tårnet er eit carillon med 74 klokker, det tyngste i verda. Det er dedisert til John Rockefeller Jr. ski mor, Laura Spelman Rockefeller. Ei fløy med sju etasjar blei bygd på sørsida av den opphavlege bygningen i 1959, utforma av Collens, Willis & Beckonert, og kalla opp etter Martin Luther King jr. i 1985. The Stone Gym i søraust blei bygd i 1915 som ein sovesal, utforma av Louis E. Jallade, og gjort om til gymnastikkområde i 1962.
Riverside Church har vore eit fokus for global og nasjonal aktivisme sidan skipinga. Kyrkjelyden er etnisk mangfaldig. Kyrkja blei erklært eit landemerke av New York City Landmarks Preservation Commission i 2000, og blei del av National Register of Historic Places i 2012.
4. april 1967, eit år før han blei drepen, var Martin Luther King Jr. i kyrkja med i ein tale kalla Beyond Vietnam: A Time to Break Silence, der han tala imot Vietnamkrigen. Jesse Jackson tala ved gravferda til Jackie Robinson der i 1972. I 1991 vitja Nelson Mandelakyrkja og tala der etter å ha kome ut av fengsel. Generalsekretær Kofi Annan frå SN talte der etter terroråtaka 11. september 2001, og president Bill Clinton talte ved kyrkja i 2004.
Andre talarar ved Riverside Church har vore teologane Paul Tillich, som underviste i nærleiken, og Reinhold Niebuhr; borgarretsforkjemparane Cesar Chavez og Desmond Tutu; den cubanske presidenten Fidel Castro; den 14. dalai lamaen og kong Abdullah II av Jordan.
Galleri
Kjelder
Denne artikkelen bygger på «Riverside Church» frå , den 22. desember 2021.
Bakgrunnsstoff
Kategori:Kyrkjer ferdigstilt i 1930 Kategori:Kyrkjer i New York City