Mia Amor Mottley () er ein barbadisk politikar. Ho blei statsminister i landet den 25. mai 2018 etter at partiet hennar, Barbados Labour Party, vann parlamentsvalet. Mottley blei dermed den fyrste kvinnelege statsministeren på Barbados.
Liv og virke Mottley er jurist.«Mia Amor Mottley», The Inter-American Dialogue. Lest 26. mai 2018. Ho studerte ved London School of Economics i Storbritannia.
I 1991 gjekk Mottley inn i politikken.«Mia Mottley is sworn in as new Prime Minister» , Barbados Today, 25. mai 2018. Lest 26. mai 2018. Ho representerte partiet Barbados Labor Party (BLP). Frå 1991 til 1994 var ho senatmedlem. I 1994 blei ho vald inn i parlamentet. Ho fekk straks regjeringsoppgåver, og mellom 1994 og 2008 hadde ho ei rekkje ulike ministerpostar. Ho har vore minister for utdanning, kultur og ungdom (1994–2001), justisminister og innanriksminister (2001–2006), visestatsminister (2003–2006) og minister for økonomi og utvikling (2006–2008).«Women in Politics in Barbados», Caribbean Elections. Lest 26. mai 2018. Frå 2008 til 2010 var ho partileiar i BLP og opposisjonsleiar i parlamentet. Ho vann att partileiarvervet i 2013. Mottley var første kvinne både som justisminister og som opposisjonsleiar.
Ved valet 24. mai 2018 vann BLP alle dei 30 seta i House of Assembly.«Barbados General Election Results - 24 May 2018», Caribbean Elections. Lest 26. mai 2018. Mottley blei teken i eid som statsminister av generalguvernør Sandra Mason dagen etter valsigeren. Ho var den fyrste kvinnelege statsministeren sidan Barbados blei uavhengig frå Storbritannia i 1966.«Barbados elects Mia Mottley as first woman PM», BBC News, 25. mai 2018. Lest 26. mai 2018. Dette var også fyrste gong i historia til landet at kvinner var i postane som generalguvernør og som statsminister.
Kjelder
Denne artikkelen bygger på «Mia Mottley» frå , den 29. august 2021.
Bakgrunnsstoff
Kategori:Barbadiske politikarar