Jens Gerhard Lehmann () er ein tysk tidlegare fotballspelar frå Essen. Han var målvakt på dei tyske landslaga som vann VM-bronse på heimebane i 2006 og EM-sølv 2008. Lehmann vann UEFA-cupen 1996 med Schalke 04, den tyske fotballserien 2002 med Borussia Dortmund og han vart engelsk ligameister 2004 og engelsk cupmeister 2005 med Arsenal FC. På litt over ti år, 1998-2008, spelte han 61 landskampar for Tyskland.
Klubbspel Lehmann var aktiv i Schalke 04 frå 1988. Han spelte sin fyrste kamp i bundesligaen etter laget rykte opp i 1991. Lehmann stod i mål då Schalke og FC Inter møttest til finalespel i UEFA-cupen i mai 1997. Begge laga vann heimekampen 1-0. Oppgjeret vart avgjort med straffeskyting, der Inter bomma på to og Schalke ei. Etter ein sesong med benkesliting i AC Milan, skreiv Lehmann i 1998 kontrakt med Borussia Dortmund. Han bidrog til at laget gjekk til topps i bundesligaen våren 2002, derimot makta han ikkje hindre at Borussia Dortmund tapte finalen i UEFA-cupen 2002 mot Feyenoord.
Sommaren 2003 vart han overført til Arsenal FC. Her var han med på verte ligameister i 2004 og nasjonal cupmeister i 2005. I meisterligafinalen mot FC Barcelona vart Lehmann utvist i det 18. minutt. Kampen enda med Arsenal-tap 1-2. Til sist var Lehmann målvakt i VfB Stuttgart frå 2008 til 2010.
Landslagsspel Lehmann fekk sin landslagsdebut i februar 1998. Fram til 2008 vakta han det tyske målburet i 61 landskampar. Han var med troppa til VM 1998, EM 2000, VM 2002 og EM 2004, utan å kome i spel. Under verdsmeisterskapen 2006 på heimebane stod han i mål alle kampane då Tyskland vart bronsemedaljør. I denne meisterskapen redda han to av Argentina sine skot i straffeskytinga under kvartfinalen. Også i Fotball-EM 2008 stod Lehmann i mål for Tyskland. EM-finalen mot Spania den 29. juni i Wien enda med tap 0-1 og var han siste landskamp.
Merittar VM-bronse: 2006 for Tyskland EM-sølv: 2008 for Tyskland Vinnar av UEFA-cupen: 1997 for Schalke 04 Finalist i meisterligaen: 2006 for Arsenal FC Vinnar av bundesliga: 2002 for Borussia Dortmund Vinanr av Premier League: 2004 for Arsenal FC Vinnar av FA-cupen: 2005 for Arsenal FC Finalist i UEFA-cupen: 2002 for Borussia Dortmund Finalist i meisterligaen: 2006 for Arsenal FC
Kjelder
Denne artikkelen bygger på «Jens Lehmann» frå , den 22. april 2020.
eu-football
Kategori:Tyske fotballspelarar Kategori:Schalke-spelarar Kategori:Arsenal-spelarar Kategori:Borussia Dortmund-spelarar Kategori:Stuttgart-spelarar Kategori:Milan-spelarar Kategori:Spelarar i Fotball-VM 1998 Kategori:Spelarar i Fotball-EM 2000 Kategori:Spelarar i Fotball-VM 2002 Kategori:Spelarar i Fotball-EM 2004 Kategori:Spelarar i Fotball-VM 2006 Kategori:Spelarar i Fotball-EM 2008