Maqbool Fida Husain, betre kjend som M.F. Husain (), var ein indisk bilekunstnar kjend for fargesterke, kubisme-inspirerte narrative måleri. Han var ein av dei internasjonalt best kjende indiske kunstnarane frå 1900-talet.
Han måla ulike motiv som indisk daglegliv i byen og på landet og ulike motiv som Gandhi, Mor Teresa, Ramayana, Mahabharata og tema frå Britisk India. Dei seinare verka til Husain blei kontroversielle. Bilete av nakne hindugudar og Bharat Mata (Moder India) førte til at høgreorienterte organisasjonar sa han måtte arresterast, og gjekk til sak fordi dei meinte at han såra religiøse kjensler. Frå 2006 levde han i sjølvpålagd eksil i Qatar og London i England. Han tok imot qatarisk statsborgarskap i 2010.
I september 2020 blei måleriet hans Voices selt på auksjon for kring 2,5 millionar US-dollar.
Husain verka også noko som filmregissør. I 1967 vann han han ein National Film Award «Best Experimental Film» for Through the Eyes of a Painter. I 2004 regisserte han Meenaxi: A Tale of Three Cities, som han samarbeidde om med sonen sin Owais Husain. Filmen blei vist ved Marché du film under Cannes-festivalen 2004.
Kjelder
Kategori:Indiske målarar Kategori:Målarar frå 1900-talet Kategori:Målarar frå 2000-talet