Paramillo-massivet er ei fjellkjede i den tropiske delen av Andes. Det ligg i nordenden av Cordillera Occidental (Vestandesfjella) i Colombia. Den høgaste toppen i kjeda er Cerro Paramillo på 3730 moh.
Paramillo nasjonalpark Mykje av området ligg innanfor Paramillo nasjonalpark (Parque nacional natural Paramillo), som går frå massivet til låglanda ved Det karibiske havet. Økosystema i massivet er typiske for Tropiske Andes, og omfattar páramo og fjellskog.
Dette er ein av to regionar der den truga fuglen paramillotapakulo (Scytalopus canus) lever.
Eit pattedyr som finst her er den sårbare brillebjørnen (Tremarctos ornatus).
Kjelder
Denne artikkelen bygger på «Paramillo Massif» frå , den 17. juni 2019.
Kategori:Fjell i Colombia Kategori:Nasjonalparkar i Colombia