Raymond Berry Oakley III () var ein USA-amerikansk bassist og ein av dei opphavlege medlemmane i The Allman Brothers Band. Han vart rangert på 46. plassen på lista til magasinet Bass Player over dei 100 beste bassistane gjennom tidene.
Biografi Oakley var fødd i Chicago i Illinois, og voks opp i forstaden Park Forest i Illinois,Scott Freeman, Midnight Riders: The Story of The Allman Brothers Band, 1995, p. 36 før han flytta til Florida, der han møtte og vart med i bandet til Dickey Betts, The Second Coming. Han var med å starte The Allman Brothers Band i 1969, i lag med gitaristane Duane Allman og Betts, songaren og klaverspelaren Gregg Allman, og trommeslagarane og perkusjonistane Butch Trucks og Jai Johanny «Jaimoe» Johanson.
Oakley var kjend for lange, melodiske bassløp som danna ei pulserande stamme under gitarsoloane og jammane til Allman og Betts. «In Memory of Elizabeth Reed», «Mountain Jam» og «Whipping Post» frå konsertalbumet At Fillmore East fangar Oakley på sitt beste. Då Duane Allman døydde i ei motorsykkelulukke den 29. oktober 1971, var Oakley heilt knust. Kring eit år seinare omkom Oakely sjølv i ei motorsykkelulukke, berre tre kvartal frå er Allman hadde omkomme. Oakley krasja med ein buss, men ønskte å dra heim i staden for til legen. Tre timar seinare vart han i store smerter køyrt til sjukehuset der han døydde av kraniebrot. Han var 24 år då han døydde, like gammal som Allman.
Diskografi The Allman Brothers Band The Allman Brothers Band (1969) Idlewild South (1970) At Fillmore East (1971) Eat a Peach (1972) Brothers and Sisters (1973) tracks 1 & 2
Kjelder
Denne artikkelen bygger på «Berry Oakley» frå , den 8. september 2018. oppgav desse kjeldene:
Kategori:USA-amerikanske rockebassistar Kategori:The Allman Brothers Band-medlemmar Kategori:Døde i motorsykkelulukker Kategori:Rock and Roll Hall of Fame