Eliseus Müller () var ein norsk gardbrukar og politikar for Bondepartiet frå Verdal. Han var ordførar i Verdal 1929-34 og stortingsrepresentant 1932-45 frå Nord-Trøndelag. Peder Rygh var bestefar hans.
Müller tok examen artium ved Trondhjems katedralskole i 1896 og gjekk vinterlandbruksskule i Trondheim 1897–98. I 1902 tok han over farsgarden, storgarden Vist på Stiklestad i Verdal. Han hadde ein framståande posisjon i heradet og var styreformann i Verdal Sparebank frå 1922, ordførar i Verdal herad 1929-34.
Stortingsperioden 1931-33 var Müller fyrste varamann frå Nord-Trøndelag. Då Ivar Kirkeby-Garstad i 1932–33 var statsråd i Hundseid-regjeringa møtte Müller fast på Stortinget. Dei neste to tingbolkane, 1934-36 og 1937-1945, hadde han fast plass på Tinget. I 1932-33 var han medlem i Sjøfarts- og fiskerikomiteen, 1934-36 sekretær i Helsekomiteen og 1937-45 medlem i same komiteen. Frå 1945 var han medlem av Noregs Bank sin representantskap.
Müller gav i 1965 ut skriftet Minner omkring familien Rygh på Haug i Verdal.
Kjelder
Kategori:Stortingsrepresentantar for Nord-Trøndelag Kategori:Stortingsrepresentantar frå Sp Kategori:Stortingsrepresentantar 1931-1933 Kategori:Stortingsrepresentantar 1934-1936 Kategori:Stortingsrepresentantar 1937-1945 Kategori:Ordførarar i Verdal Kategori:Sp-ordførarar i Nord-Trøndelag Kategori:Folk frå Verdal