Jelena Nikolajevna Romanova, fødd Malikhina, () var ein friidrettsutøvar frå Nesjenskoje i Voronezj oblast som representerte Sovjetunionen og seinare Russland på mellom- og langdistansane. Ho vart europameister på 3 000 meter i 1990 og olympisk meister på 10 000 meter i 1992.
Aktiv Romanovas fyrste internasjonale meisterskap var VM 1987 i Roma der ho vart nummer fem på 5 000 meter og braut 10 000 meter. I Sommar-OL 1988 i Seoul kom ho på fjerdeplass på 3 000 meter med tida 8.30,4, hennar personlege rekord på distansen.
Romanova tok steget heilt til topp ved EM 1990 i Split, då ho vann milløpet på personbeste 31.46,8, og tok sølvmedaljen på 3 000 meter. Også under VM 1991 i Tokyo sprang ho inn til sølv på 3 000 meter, bak landskvinna Tatjana Samolenko. Året etter var rollene omsnudd ved OL 1992 i Barcelona, i finalen slo ho Samolenko i spurten og vann gullmedaljen. Seinare vart Romanova nummer seks både på 3 000 m ved VM 1993 i Stuttgart, og på 5 000-meteren under OL 1996 i Atlanta.
Romanova vart funnen død i husværet sitt i Volgograd i januar 2007.
Medaljar og plasseringar i internasjonale meisterskap VM 1987 i Roma: Nr 5 på 3 000 m – 8.41,7, braut 10 000 m-kvalifiseringa OL 1988 i Seoul: Nr 4 på 3 000 m – 8.30,4 EM 1990 i Split: Gull på 10 000 m – 31.46,8, sølv på 3 000 m – 8.43,6 VM 1991 i Tokyo: Sølvmedalje på 3 000 m – 8.36,0, braut 10 000 m OL 1992 i Barcelona: Gullmedalje på 3 000 m – 8.46,0, framom Tatjana Samolenko (8.46,8) VM 1993 i Stuttgart: Nr 6 på 3 000 m – 8.39,6 OL 1996 i Atlanta: Nr 6 på 5 000 m – 15.14,0
Kjelder Denne artikkelen bygger på «Jelena Nikolajewna Romanowa» frå , den 18. august 2016.
Kategori:Russiske mellomdistanseløparar Kategori:Russiske langdistanseløparar Kategori:Europameistrar i friidrett for Sovjetunionen Kategori:Olympiske meistrar for SUS Kategori:Sovjetiske deltakarar under sommar-OL 1988 Kategori:Friidrettsutøvarar under sommar-OL 1988 Kategori:Medaljevinnarar under sommar-OL 1992 Kategori:Deltakarar for SUS under sommar-OL 1992 Kategori:Friidrettsutøvarar under sommar-OL 1992 Kategori:Russiske deltakarar under sommar-OL 1996 Kategori:Friidrettsutøvarar under sommar-OL 1996