Knut Høljesson Klonteig () var ein norsk gardbrukar og politikar frå Tinn i Telemark. Han representerte einmannskrinsen Øst-Telemarken på Stortinget perioden 1919-21, vald for partiet Venstre. Hølje Halvorsson Klonteig var far hans.
Klonteig tok til på Asker seminar i 1876, men vart sjuk og måtte slutte i 1878, før eksamen. I 1880 tok han underoffisereksamen i Kristiansand. Perioden 1882-93 var han heradskasserar i Tinn. Han var sersjant frå 1884, utnemnd til kommandersersjant i 1905 og fanejunker i 1910. Frå 1886 var han gardbrukar på Einung i Tinn, etter svigerfaren. I tillegg var han dampskipsførar på Tinnsjøen i periodane 1891-96 og 1900-07.
Han vart medlem av heradsstyret i 1888, og forlikskommissær frå same året. Klonteig var ordførar i Tinn i 15 år; 1901-16. Etter å ha vore varamann til Stortinget frå Øst-Telemarken i tida 1910-15, vart han ved stortingsvalet 1918 vald til stortingsmann for same krinsen og Venstre. Han var medlem i Protokollkomiteen, som sekretær frå 21. juni 1920.
Kjelder Lindstøl, Tallak: Stortinget og Statsraadet 1814-1914. Kristiania, 1914
Bakgrunnsstoff Gravminne
Kategori:Stortingsrepresentantar 1919-1921 Kategori:Stortingsrepresentantar for Telemark Kategori:Stortingsrepresentantar frå Venstre Kategori:Vararepresentantar til Stortinget Kategori:Ordførarar i Tinn Kategori:Venstreordførarar i Telemark Kategori:Folk frå Tinn