Pierre Michael Littbarski () er ein tysk tidlegare fotballspelar frå Vest-Berlin. Han var ein kvikk, dribleflink vengspelar, vanlegvis til venstre, som i 1990 vart verdsmeister for Vest-Tyskland. Littbarski spelte i til saman 14 år for FC Köln.
Karriere Klubbspel Littbarski spelte i bundesliga frå 1978 til 1986. Han skåra kampens einaste mål då FC Köln møtte Fortuna Köln i finalen om DFB-pokalen den 11. juni 1983. Tre år seinare var han med å tape UEFA-cupfinalen mot Real Madrid. Deretter var han aktiv for franske Racing Club i drygt eit år, før han hausten 1987 vende tilbake til FC Köln. Etter til saman 406 bundesligakampar for Köln og 116 skåringar, reiste han i 1993 til spel i den nyoppretta J-ligaen i Japan. Han la opp for godt i 1997.
Landslagsspel Littbarski skåra to mål i debuten mot Austerrike på bortebane 14. oktober 1981. To mål skåra han også då Vest-Tyskland gjesta Noreg den 12. mai 1982 og på Ullevål stadion sigra med 4 mål mot 2. Han spelte alle Vest-Tysklands kampar i Fotball-VM 1982, skåra i to kampar. Det siste kom i den berykta semifinalekampen mot Frankrike i Sevilla. Europameisterskapen 1984 var han innbytar i to kampar.
Under Fotball-VM 1986 i Mexico deltok Littbarski for Vest-Tyskland til og med kvartfinalen, benkeslitar resten av turneringa. Derimot var han med i fire av fem oppgjer ved Fotball-EM 1988. I verdsmeisterskapen 1990 i Italia spelte han alle kampane til Vest-Tyskland, unnateke semifinalen. Han skåra eitt mål i turneringa. Den 8. juli 1990 avslutta han landslags-tida med å spele heile kampen då Vest-Tyskland vann VM-finalen 1–0 over Argentina på Stadio Olimpico i Roma. Littbarski spelte 73 landskampar og skåra 18 mål. Han var lagkaptein i tre kampar i 1988-89.
Merittar Verdsmeister: 1990 for Vest-Tyskland VM-sølv: 1982 og 1986 for Vest-Tyskland Vinnar av DFB-pokalen: 1983 med FC Köln Finalist i UEFA-cupen: 1986 med FC Köln
Landslagsstistikk TysklandÅrKamparmål198123198215519838019843019851041986701987631988801989421990101Totalt7318
Kjelder
Denne artikkelen bygger på «Pierre Littbarski» frå , den 4. august 2026.
eu-football National Football Teams
Kategori:Tyske fotballspelarar Kategori:Köln-spelarar Kategori:Spelarar i Fotball-VM 1982 Kategori:Spelarar i Fotball-EM 1984 Kategori:Spelarar i Fotball-VM 1986 Kategori:Spelarar i Fotball-EM 1988 Kategori:Spelarar i Fotball-VM 1990