«634-5789 (Soulsville, U.S.A.)» er ein soulsong skriven av Eddie Floyd og Steve Cropper. Han vart først spelt inn av Wilson Pickett i 1966 på Atlantic Records-albumet hans The Exciting Wilson Pickett. Singelen nådde toppen av «Black Singles»-lista og 13. plassen på «Pop Singles»-lista. Songen har blitt spelt av andre artistar som Otis Redding, Ry Cooder, Johnny Van Zant, Tower of Power og countrysongaren Trace Adkins. Bruce Springsteen har spelt songen mange gonger på konsertane sine.
Eddie Floyd, Wilson Pickett og Jonny Lang var med i filmen Blues Brothers 2000 i 1998 og framførte «634-5789». Floyd og Pickett spelte eigarane av «Ed's Love Exchange», som ein i følgje historia i filmen kan nå på 1-900-634-5789 (ein referanse til telefonsex-linjer).
Tina Turner-versjonen
Tina Turner spelte songen i TV-programmet Break Every Rule, der ho tolka klassiske soulsongar med gitaristen og songaren Robert Cray, inkludert «634-5789» Sam Cooke sin «A Change Is Gonna Come» og Wilson Pickett sine «Land of a Thousand Dances» og «In the Midnight Hour». Desse fire spora vart seinare gjevne ut på konsertalbumet hennar Tina Live in Europe i 1988 og «634-5789», sungen som ein duett med Cray, vart òg gjeven ut på singel i somme område. Han nådde 14. plassen på den nederlanske singellista. B-sidene var «Private Dancer» og «Help!», begge henta frå albumet Tina Live in Europe.
Lister Liste (1989) Plassering
Kjelder Denne artikkelen bygger på «634-5789 (Soulsville, U.S.A.)» frå , den 13. mai 2016. oppgav desse kjeldene:
Kategori:Songar frå 1966 Kategori:Singlar frå 1966 Kategori:Singlar frå 1988 Kategori:Songar om telefonsamtalar Kategori:Songar skrivne av Steve Cropper Kategori:Songar skrivne av Eddie Floyd Kategori:Atlantic Records-singlar Kategori:Tina Turner-songar Kategori:Wilson Pickett-songar Kategori:Otis Redding-songar Kategori:Ry Cooder-songar Kategori:Johnny Van Zant-songar Kategori:Tower of Power-songar