Beit Oren (hebraisk skrift בֵּית אֹרֶן, tyder Furuheimen) er ein kibbutz nord i Israel. Han høyrer til Hof HaCarmel regionale kommune. I 2010, Beit Oren hadde 200 medlemmar.http://www.beit-oren.org.il/40797/היסטוריה

Geografi Kibbutzen Beit Oren ligg i hjartet av Karmelberget, like ved Karmel naturreservat nasjonalpark, eit område som ofte vert kalla «Vesle Sveits».

Historie I 1934 stod eit enkelt, arabisk hus på staden der Beit Oren ligg i dag. Det vart kjøpt i lag med landområdet rundt, og busett av ei gruppe på 15 jødiske arbeidarar. Arbeidarane planla å bygge ein by og kalle han Yaarot HaCarmel, men fleire vart drepne då staden vart angripen i 1936 under arabaropprøret.

Kibbutzen Beit Oren vart grunnlagd i 1939 av emigrantar frå Polen og Russland, delvis frå Hebraisk sosialistisk ungdom. Etter kvart fekk dei selskap av andre grupper frå Dror og Aliyat HaNoar, i tillegg til av ei gruppe frå kibbutzen Ma'agan Michael.

Før sjølvstendet til Israel var kibbutzen base for Haganah og Palmach sine undergrunnsaktivitetar mot britane. Den 9. oktober 1945, sette ei Palmach-eining ut frå Beit Oren for å setje fri 208 ulovlege emigrantar som vart haldne i Atlit interneringsleir. Etter å ha overfalle vaktene, vart dei frigjorte emigrantane førte forbi Beit Oren til kibbutzen Yagur, der dei vart skjulte for britane. Åtaket var den første anti-britiske handlinga til Palmach.THE UNITED RESISTANCE by Yehuda Lapidot

I 1980-åra leid Beit Oren store økonomiske problem, og mange mellomaldrande medlemmar flytta, slik at dei eldre medlemmane vart sitjande med gjelda og utan særlege inntekter.Crisis and Transformation: Kibbutzen at Century's End, Eliezer Ben-Rafael Kibbutz-rørsla stoppa den økonomiske støtta til kibbutzen,Privatization brings crisis skriven av Eli askenasisk og ei gruppe unge individuelle vart henta inn for å gjere fundamentale endringar. I 1999 søkte åtte medlemmar av Beit Oren Høgseretten i Israel om å få avskaffe klassifiseringa som kibbutz og gjere staden om til ein fellesbusetnad.The Renewing kibbutz mini|venstre|Beit Oren etter ein brann i 2010.

Beit Oren vart hard råka av skogbrannen i Israel i 2010, som tok livet av 41 menneske og sette tusenvis av mål skogsmark i brann.Gift seals friendship forged in flames

Kjelder

Denne artikkelen bygger på «Beit Oren» frå , den 8. april 2015. oppgav desse kjeldene:

Kategori:Kibbutzar Kategori:Privatiserte kibbutzar Kategori:Busetnader grunnlagde i 1939 Kategori:Jødiske landsbyar i Palestinamandatet Kategori:1939 i Palestina Kategori:Busetnader i Haifa distrikt