Пролет - слика на Едуар Мане, создадена во 1881 година. Дебитирала на Парискиот салон во 1882 година и била сметана за најголем и последен јавен успех во кариерата на Мане во Салонот. На неа е претставена париската глумица Жана Демарси во цветен фустан со чадор и шапка, во позадина на бујно зеленило и сино небо, како олицетворение на пролетта. Сликата станала и првото уметничко дело некогаш објавено во боја.
Заднина „Пролет“ била првата од планираната четворка на алегориски дела користејќи „шик“ париски жени за да ги отсликаат четирите годишни времиња. Идејата дошла од пријателот на Мане, Антони Прус, кој предложил серијал на годишни времиња персонифицирани со современи идеали на жените, модата и убавината. Серијалот никогаш не бил завршен и Мане починал една година откако ја завршил само втората од серијата, Есен.
Аукција Во ноември 2014 година, Музејот Гети платил повеќе од 65 милиони долари за сликата, надминувајќи го претходниот рекорд од 33,2 милиони долари за слика од Мане, платено за „Самопортрет со палета“ во 2010 година.
Поврзано
Список на најскапи слики
Наводи
Категорија:Слики на Едуар Мане Категорија:Уметнички слики од 1881 година