Хинокитиол (β-thujaplicin) — природен монотерпеноид кој се наоѓа во дрвјата од семејството чемпреси. Тој е дериват на трополон и е еден од тујаплините.

Хинокитиолот е широко користен за орална нега и производи за третман со широк спектар на антивирусни, антимикробни и антиинфламаторни дејства. Хинокитиол претставува јонофор на цинк и железо, а дополнително е одобрен како адитив во храната.

Името на хинокитиолот потекнува од фактот дека првично бил изолиран во тајванскиот хиноки во 1936 година. Всушност, тој е речиси отсутен кај јапонските хиноки, додека во голема концентрација (околу 0,04% од масата на срцевината на дрвјата) е содржан во Juniperus cedrus, кедрово дрво хиба (Thujopsis dolabrata) и западен црвен кедар (Thuja plicata). Може лесно да се извлече од кедровото дрво со растворувач и ултрасоникација.

Хинокитиол е структурно поврзан со трополон, на кој му недостасува супституентот на изопропил. Трополоните се добро познати хелатни агенси.

Антимикробна активност Хинокитиолот има широк спектар на биолошки активности, од кои многу се истражувани и карактеризирани во литературата. Првата, и најпозната, е моќната антимикробна активност против многу бактерии и габи, без оглед на отпорноста на антибиотици. Поточно, се покажало дека хинокитиолот е ефикасен против Streptococcus pneumoniae, Streptococcus mutans и Staphylococcus Aureus, вообичаени човечки патогени. Дополнително, се покажало дека хинокитиолот има инхибиторни ефекти врз Chlamydia trachomatis и може да биде клинички корисен како тописки лек.

Антивирусна активност Најновите студии покажуваат дека хинокитиолот исто така има и антивирусно дејство кога се користи во комбинација со цинк соединение против неколку човечки вируси, вклучувајќи ги риновирус, коксакивирус и менговирус. Со лекување на вирусни инфекции има потенцијал за добивање на масовна економска корист и е од голема важност за глобалните институции, како што е Светската здравствена организација. Со нарушување на обработката на вирусни полибелковини, хинокитиолот ја инхибира вирусна репликација - сепак, оваа способност зависи од достапноста на бивалентни метални јони, бидејќи хинокитиолот е нивни хелатор. Присуството на цинк во комбинација со хинокитиол ги поддржува овие способности и е дискутирано подолу.

Други активности Дополнително на широкиот спектар на антимикробна активност, хинокитиолот исто така поседува антиинфламаторни и антитуморни активности, кои се одликуваат со голем број на ин витро клеточни студии и ин виво студии за животни. Хинокитиолот ги инхибира клучните воспалителни маркери и патеки, како што се TNF-a и NF-kB, а неговиот потенцијал за третман на хронични воспалителни или автоимуни состојби се истражува. Откриено е дека хинокитиолот врши цитотоксичност на неколку истакнати ракови клеточни линии со поттикнување на автофагоцитни процеси.

Коронавирус истражување Потенцијалните антивирусни ефекти на хинокитиолот произлегуваат од неговото дејство како цинк јонофор. Хинокитиолот овозможува прилив на јони на цинк во клетките, коишто ја инхибираат репликациската машинерија на РНК вирусите, и последователно ја инхибираат репликацијата на вирусот. Некои забележителни РНК вируси се инфлуенца вирус, САРС. Јоните на цинк можеа значително да ја инхибираат вирусната репликација во клетките, со што докажува дека дејството зависи од приливот на цинк. Оваа студија е направена со цинк јонофор пиритион, кој функционира многу слично со хинокитиолот.

Во клеточните култури, хинокитиолот го инхибира човечкиот риновирус, коксакивирус и мултипликацијата на менговивирус. Хинокитиолот се меша во обработката на вирусни полибелковини, при што ја инхибира репликација на пикорновирусите. Хинокитиолот ја инхибира репликацијата на пикорновируси со нарушување на обработката на вирусната полибелковина, и со тоа што антивирусната активност на хинокитиолот зависи од достапноста на цинк јони.

Јонофор на железо Се покажа дека хинокитиолот го обновува производството на хемоглобин кај глодачите. Хинокитиолот делува како јонофор на железо за канализирање на железо во клетките, зголемувајќи го нивото на железо внатре во клетките. Околу 70% од железото во луѓето е содржано во црвените крвни клетки, конкретно во хемоглобинскиата белковина. Железото е од суштинско значење за скоро сите живи организми, и тој е клучен елемент за неколку анатомски функции, како што се системот за транспорт на кислород, синтезата на деоксирибонуклеинска киселина (ДНК), како и транспортот на електрони. Недостатокот на железо може да доведе до нарушувања во крвта, како што е анемија, која значително ги оштетува физичките и менталните перформанси.

Синергизам на цинк Хинокитиол е јонофор на цинк и оваа способност се верува дека ја инхибира вирусната репликација. Накратко, како јонофор на цинк, хинокитилот помага во транспортот на молекули во клетките преку плазма мембраната или меѓуклеточната мембрана, со што се зголемува внатреклеточната концентрација на наведената молекула (пр. цинк). Оттука, со искористување на антивирусните својства на цинкот, во комбинација со хинокитиол, внесувањето на цинк може да се забрза.

Истражување на ракот Во клеточните култури и студиите со животни, се покажало дека хинокитиолот ја инхибира метатезата и има антипролиферативни ефекти врз раковите клетки.

Недостаток на цинк Докажано е дека има дефицит на цинк во некои туморски клетки, а враќањето на оптимално ниво на цинк во клетките може да доведе до сузбивање на растот на туморот. Хинокитиолот е документиран како јонофор на цинк, но сепак се потребни повеќе истражувања за да се воспостават ефективни концентрации на методите за испорака на хинокитиол и цинк.

• „Ефекти на диетален цинк врз растот на меланомот и експерименталната метастаза...“

• „Недостатокот на диетален цинк го забрзува развојот на карцином на хранопроводникот со поттикнување на посебен воспалителен знак...“

• „Врска помеѓу нивото на серумски цинк и рак на белите дробови: мета-анализа на набљудувачки студии...“

• „Напредок во истражувањето за врската помеѓу недостаток на цинк, сродни микроРНА и карцином на хранопроводот...“

Производи кои содржат хинокитиол

Хинокитиолот е широко користен во голем број на производи, вклучувајќи: козметика, паста за заби, орален спреј, крема за сончање и производи за раст на косата. Еден од водечките брендови во продажба на производи кои содржат хинокитиол е Hinoki Clinical. Hinoki Clinical (1956) е основана непосредно откако започнала првата „индустрискa екстракција на хинокитиол“ во 1955 година. Hinoki, во моментов има над 18 различни варијации на производи со хинокитиол како состојка. Друг бренд, именуван како „Relief Life“, се пофали со над еден милион продажба со нивната „Забна серија“ на паста за заби која содржи хонокитол. Други забележителни производители на производи засновани на хинокитиол вклучуваат Otsuka Pharmaceuticals, Kobayashi Pharmaceuticals, Taisho Pharmaceuticals, SS Pharmaceuticals. Покрај Азија, компании како што се Swanson Vitamins®, започнуваат со употреба на хинокитиол во производи за потрошувачка на пазари во САД . и Австралија како антиоксидансен серум, а и други производи. Во 2006 година, хинокитиол бил категоризиран во списокот на домашни супстанци во Канада како постојан, небиоакумулативен и нетоксичен за водните организми. Работната група за животна средина, американска активистичка група, посвети страница за состојката хинокитиол во која е наведено дека е „ниско опасна“ во области како што се „Алергии и имунотоксичност“, „Рак“ и „Развој и репродуктивна токсичност“ давајќи му на хинокитиол резултат 1-2.

Dr ZinX На 2 април 2020 година, Аванс Нанотек, австралиски производител на цинк оксид, поднел заедничка апликација за патент со AstiVita Limited, за антивирусен состав којшто вклучувал разни производи за орална нега кои содржат хинокитиол како витална компонента. Марката што сега го вклучува овој нов изум се нарекува Dr ZinX и најверојатно ќе ја објави својата комбинација Zinc + Hinokitiol во 2020 година. На 18.05.2002 година, д-р ZinX ги објави резултатите од тестот "Квантитативен тест за суспензија за проценка на вируцидна активност во медицинската област" со враќање на намалувањето од '3.25 log' (намалување од 99,9%) за уредна концентрација во 5 минути против сурогатот КОВИД-19 Фелин Коронавирус. Цинк е суштински додаток во исхраната и микроелемент во телото. На глобално ниво, се проценува дека 17,3% од популацијата има несоодветен внес на цинк.

Ветувачка иднина Почнувајќи од 2000-тите, истражувачите сфатија дека хинокитиолот може да биде од вредност како фармацевт, особено за инхибиција на бактеријата Chlamydia trachomatis. Хемичарот Мартин Бурк и колегите на Универзитетот Illinois Urbana–Champaign и на други институции откриле значителна медицинска употреба на хинокитиол. Целта на Бурк била да се надмине нередовниот транспорт на железо кај животните. Недостатоците на неколку белковини можат да доведат до недостаток на железо во клетките (анемија) или спротивен ефект, хемохроматоза. Користејќи ги генски-деплетираните култури на квасец како сурогати, истражувачите прикажале библиотека со мали биомолекули за знаци на транспорт на железо а со тоа и раст на клетките. Хинокитиолот се појавил како оној што ја вратил функционалноста на клетките. Тимот со понатамошната работа го поставил механизмот со кој хинокитиолот го обновува или го намалува клеточното железо. Потоа, тие ја префрлиле својата студија кај цицачи и откриле дека кога глодачите што биле дизајнирани да немаат „белковини за железо“ се хранат со хонокитиол, повторно ja вратиле апсорбцијата на железо во цревата. Во слична студија на зебра риба, молекулата ја вратило продукцијата на хемоглобин. Со коментар за работата на Бурк и др. ја именува Хинокитиолот како „молекула на железен човек“. Ова е соодветно /иронично затоа што првото име на откривачот Нозое може да се преведе на англиски јазик како „железен човек“.

Значајни истражувања се исто така спроведени и за оралните апликации на хинокитиол со оглед на зголемената побарувачка за хинокитиол засновани орални производи. Една таква студија, поврзана со 8 различни институции во Јапонија, со наслов: „Антибактериска активност на хинокитолот против антибиотик-резистентни и-подложни патогени бактерии што предоминираат во усната шуплина и горните дишни патишта“ дошле до заклучок дека „Хинокитиолот покажува антибактериска активност против широк спектар на патогени бактерии и има мала цитотоксичност кон епителните клетки на човекот.

Релевантни студии

Наводи

Категорија:Монотерпини Категорија:Трополони Категорија:Прехранбени адитиви Категорија:Хелатни агенси