Агријани (Граи) — пајонско племе кое претежно живеело во североисточниот дел на Македонија и јужна Србија."...The Agrianes once dwelled in the area of lower eastern Serbia..." Illyricum Province. Во времето на Филип II Македонски, територијата на Агријаните била управувана од Пела. Според Тукидид, ова племе ги населувало териториите во горниот тек на реката Стримон (Струма).
Историја
Херодот ги спомнува меѓу племињата што не ги покорил персискиот војсководец Мегабаз (V в. пр.н.е.). Во времето на Филип II, Агријаните биле македонски сојузници. Нивниот владетел Лангар со најдобрите војници му се придружил на Александар Македонски против илирското племе Автаријати, кој во Александровиот поход учествувал под заповедништво на Атал. Како наемници се спомнуваат во војските на Дијадосите (крај на III в. пр.н.е.) во Египет, кај Антигон Досон, Антиох III, но и во војските на последните македонски цареви Филип VI и Персеј (поч. во II в. пр.н.е.). Последен пат се спомнуваат во 169 г. н.е. како војници што се борат за градот Касандреја.E. Петрова, Пајонија, Скопје, 1999Thucidides, II, 96, Harvard Univessity Press, 1958Herodotus, V, 16.1, Loeb Classical Library, Harvard University Press
Познати се двајца нивни кралеви: Лангар и Диплај, од втората половина на IV в. пр.н.е. За време на владеењето на пајонскиот крал Авдолеон (315-286/5 пр.н.е.) ја загубиле својата независност и влегле во состав на Пајонското Кралство.
Наводи
Поврзано Пајонија Пајонци Историја на Македонија
Надворешни врски Ancientbattles.com - Агријани Националности во Европа
Литература
Соколовска, В. (1990): “Пајонското племе Агријани и врските со Дамастион”, Macedoniae Acta Archaeologica 11, 9-34. Cultural Stratigraphy of the Site Gradishte Near Pelince, Republic of Macedonia - Dejan Gjorgjievski (англиски јазик)
Категорија:Пајонски племиња