Свети Илија — главна селска црква во селото Добрево. Црквата се наоѓа во јужниот дел од селото.
Местоположба
Црквата се наоѓа во непосредна близина на селското училиште, до кои води пристапен асфалтен пат кој се двои од регионалниот пат 1309.
Историја
Во некои извори се споменува дека црквата била изградена во втората половина на XIX век. Тоа е поткрепено и со фактот што иконите на дрвениот иконостас биле изработени во 1872 година. Сепак, над влезната врата има натпис на којшто е испишана 1938 година. Не е познато кога и од кој архијереј била осветена, а не е познато ниту од кој иконописец биле изработени иконите. Црквата не е зографисана.
Архитектура
Црквата претставува голема еднокорабна градба. На дрвениот иконостас има 29 икони. Градбата е оградена со камена ограда којашто е покриена со ќерамиди. Над влезната порта од дворот на црквата има натпис на којшто ја пишува годината на нејзината изградба. Влезната порта се наоѓа на предната страна на дводелната камена камбанарија. Првиот дел има квадратна основа, додека вториот осумаголна. Со исклучок на основата којашто од сите страни е оградена, вториот дел се состои од осум столбови покриени со кров над којшто е поставен крст.
Галерија
Поврзано Штипско архијерејско намесништво Трета пробиштипска парохија Добрево
Наводи
Надворешни врски
Информации за црквата — страница на Брегалничката епархија
Добрево Категорија:Добрево