Ежевидните образуваат ред (Erinaceomorpha) на вистински цицачи во кој денес има само еднo семејство − Erinaceidae. Тоа се кратконоги животни со пет прсти на секое стапало и се движат на плантиграден начин (прсните коски и петтата се паралелни со површината на која се оди). Главата е најчесто заострена и со издолжен нос. Крзното може да биде боцкаво (како кај ежевите) или меко (како кај гимнурите).
Морфологија
Морфолошките одлики на претставниците од оваа група се сметаат за примитивни. Тоа се мали цицачи со кратки нозе и големи стапала. Стапалата имаат пет прсти, со исклучок на некои африкански ежеви од родот Atelerix. Двете коски од долната потколеница (тибија и фибула) се сраснати во една коска. Опашката е влакнеста и со различна должина. Главата е издолжена, и тоа повеќе кај гимнурите отколку кај ежевите. Очите се мали, но се подобро развиени од оние на другите инсектојади. Формата на черепот е најразлична. Сите видови имаат мала мозочна кутија. Формула С П П К 36–44 = 3 1 3–4 3 2–3 1 2–4 3 Ежевите се понапредни во својата градба од гимнурите. Најзабележливата разлика меѓу двете потсемејства е крзното. Гимнурите и месечевите стаорци се прекриени со меко крзно, додека ежевите со густо крзно од тенки боцки, кои започнуваат од главата и продолжуваат кон грбот и страните. Бојата варира во зависност од видот, но најчесто таа е со жолти или сивкасто-кафени или црни тонови.
Забната формула на ежевите и гимнурите е мошне слична.
Првите секачи се големи. Кај гимнурите постојат три пара на секачи на секоја вилица, додека кај ежевите е изгубен третиот долен пар.
Систематика
Постојат 10 родови и 24 видови на ежевидни цицачи.
†Семејство Amphilemuridae †Род Alsaticopithecus †Род Amphilemur †Род Gesneropithex †Род Macrocranion †Род Pholidocercus Семејство Erinaceidae Потсемејство Erinaceinae (ежеви) Род Atelerix Четирипрсен еж, Atelerix albiventris Северноафрикански еж, Atelerix algirus Јужноафрикански еж, Atelerix frontalis Сомалиски еж, Atelerix sclateri Род Erinaceus Амурски еж, Erinaceus amurensis Јужен белоград еж, Erinaceus concolor Западен европски еж, Erinaceus europaeus Северен белоград еж, Erinaceus roumanicus Род Hemiechinus Долгоушест еж, Hemiechinus auritus Индиски долгоушест еж, Hemiechinus collaris Род Mesechinus Дауриски еж, Mesechinus dauuricus Хухов еж, Mesechinus hughi Род Paraechinus Пустински еж, Paraechinus aethiopicus Брентов еж, Paraechinus hypomelas Индиски еж, Paraechinus micropus Голомев еж, Paraechinus nudiventris Потсемејство Galericinae (гимнури или месечеви стаорци) Род Deinogalerix (изумрен) Род Echinosorex Голем месечев глушец, Echinosorex gymnura Род Hylomys Долгоушест гимнур, Hylomys megalotis Џуџест гимнур, Hylomys parvus Краткоопашест гимнур или мал месечев стаорец, Hylomys suillus Род Neohylomys Хајнански гимнур, Neonylomys hainanensis Род Neotetracus Ријачки гимнур, Neotetracus sinensis Род Podogymnura Динагатски гимнур, Podogymnura aureospinula Минданаоски гимнур, Podogymnura truei
Категорија:Цицачи