Питома фоја (науч. Juniperus foetidissima) ― вид на смрека од семејството чемпреси, Cupressaceae.
Опис Juniperus foetidissima е дрво со средна големина кое достигнува висина до 15 метри. Стеблото е вертикално со тесна конусовидна круна. Гранчињата се дебели до 1 мм. Листовите се јајцевидно-ромбични, долги до 1,5 мм, најчесто без видлива жлезда на врвот, зашилени, прилегнати, ароматични. Шишарката е бобинковидна со тошчеста форма, долга 7-12 мм, зрее во втората година. Плодот е со 1 или 2 слободни семенки.Кирил Мицевски: Флора на СР Македонија, том 1, св. 1, стр. 83-84, МАНУ, Скопје, 1985 лево|мини|300x300пкс|Juniperus foetidissima, во планините Таур, Турција
Распространетост Дрвото е по потекло од југоисточна Европа и Западна Азија, од јужна Албанија и северна Грција, Македонија, преку Турција до Сирија и Либан, Кавказ, планините Алборз во северен Иран и источно до југозападен Туркменистан. Исто така, постои изолирана популација на Крим.
Во Македонија Во Македонија расте по варовничките камењари на западните планини до 1700 метри надморска височина, и тоа на планините: Галичица и Баба Сач. Во Литературата се наведува и за клисурата на реката Треска, Бистра, Скопско, долината на Црн Дрим, Ниџе, Порече и Црешнево.
Наводи
Литература Кирил Мицевски: Флора на СР Македонија, том 1, св. 1, стр. 83-84, МАНУ, Скопје, 1985 Adams, R. P. (2004). Junipers of the World: The genus Juniperus. Victoria: Trafford. ISBN 1-4120-4250-X. Farjon, A. (2005). Monograph of Cupressaceae and Sciadopitys. Royal Botanic Gardens, Kew. ISBN 1-84246-068-4.
Надворешни врски
База на податоци за гимносперми: Juniperus foetidissima Juniperus foetidissima - информации, единици за генетска конзервација и сродни ресурси. Европска програма за шумски генетски ресурси (EUFORGEN)
Категорија:Дводомни растенија Категорија:Смреки Категорија:Незагрозени видови според МСЗП Категорија:Флора на Македонија