Ристо Ничевски (28 јуни 1945, Битола – 18 септември 1996, Ереван) бил македонски и југословенски шахист, шаховски интернационален мајстор и телевизиски шаховски коментатор. Бил петкратен шампион на Македонија, со титули освоени во 1966, 1968, 1970, 1980 и 1983 година.„Македонските шаховски шампиони и нивните рекорди!“, Derbi.mk, 6 јули 2020. Посетено на 2 јули 2026.

Во 1971 година Ничевски ја освоил својата прва норма, односно „бал“, за титулата интернационален мајстор,Зоран Михајлов, „Ристо Ничевски: Фишер го одведе во шаховскиот свет...“, Ulica.mk, 31 мај 2020. Посетено на 2 јули 2026. а во меѓународните списоци на шаховски титули се наведува како интернационален мајстор од 1975 година.Arpad E. Elo, The Rating of Chessplayers, Past and Present, second edition, Arco Publishing, 1986, стр. 201. Според тоа, тој се вбројува меѓу првите македонски шахисти со оваа титула, заедно со Јован Софревски, кој во историските ФИДЕ-листи се појавува со ознака за интернационален мајстор од јули 1972 година.„FIDE rating history: Sofrevski, Jovan“, OlimpBase. Посетено на 2 јули 2026.

Биографија Ничевски е роден во Битола на 28 јуни 1945 година.„FIDE rating history: Nicevski, Risto“, OlimpBase. Посетено на 2 јули 2026. Според биографски текст на Зоран Михајлов, неговиот посериозен интерес за шахот се развил по познатиот меѓузонски турнир во Порторож во 1958 година, каде што настапил и младиот Боби Фишер.

Во 1963 година Ничевски станал младински шампион на Македонија. Истата година настапил и на младинското првенство на Југославија во Дравоград, каде го освоил осмото место, а потоа го имал и првиот меѓународен настап во Англија.

Ничевски дипломирал на книжевност. Од 1969 година работел како шаховски коментатор на Телевизија Скопје, подоцна Македонска телевизија, каде што останал активен сè до својата смрт.

Шаховска кариера Ничевски бил еден од најистакнатите македонски шахисти во втората половина на XX век. На првенствата на Македонија освоил пет шампионски титули: во 1966, 1968, 1970, 1980 и 1983 година.

Еден од неговите најзначајни резултати на југословенско ниво бил настапот на првенството на Југославија во Нови Травник во 1969 година. На тој турнир освоил 12,5 поени и го поделил второто место со велемајсторот Драгољуб Миниќ, зад победникот Александар Матановиќ, кој освоил 13 поени.

Во 1969 година Ничевски настапил и на зонскиот турнир во Атина, каде што освоил 8,5 поени. На тој турнир остварил победа против унгарскиот велемајстор Ѓезе Форинтош.„Athens zt 1969“, 365Chess. Посетено на 2 јули 2026.

На „Средбата на солидарноста“ во Скопје во 1971 година ја освоил својата прва норма за титулата интернационален мајстор. Во историските ФИДЕ-рејтинг листи на OlimpBase Ничевски се појавува со ознака „m“, односно интернационален мајстор, од јануари 1976 година, додека во списокот на интернационални титули кај Арпад Ело е наведен како „IM-75“.

Највисокиот Ело-рејтинг наведен во историските листи на OlimpBase му изнесувал 2440 поени, забележан во 1972 и 1973 година. ChessBase го наведува Ничевски како интернационален мајстор, со највисок рејтинг од 2435 поени.„IM Risto Nicevski“, ChessBase. Посетено на 2 јули 2026.

Репрезентативни настапи Ничевски настапувал за југословенската репрезентација. Во мечот Југославија – СССР во 1969 година одиграл четири партии против советскиот велемајстор Евгениј Васјуков и сите четири ги ремизирал.„YUG-URS 1969“, 365Chess. Посетено на 2 јули 2026.

На 4. Европско екипно првенство во шах, одржано во Капфенберг во 1970 година, Ничевски бил дел од составот на Југославија како резерва. Според OlimpBase, на ова првенство одиграл две партии и освоил еден поен.„4th European Team Chess Championship: Yugoslavia “, OlimpBase. Посетено на 2 јули 2026.

Телевизиско коментаторство Покрај шаховската кариера, Ничевски оставил значајна трага и како шаховски коментатор. Од 1969 година бил коментатор на Телевизија Скопје, односно Македонска телевизија. Во македонската јавност бил препознатлив по телевизиските шаховски анализи и преноси, особено во периодот кога шахот имал значајна медиумска присутност.

Во 1992 година, за време на Шаховската олимпијада во Москва, Ничевски бил специјален известувач на Македонската телевизија.„Ничевски ме донесе пред камерите“, Нова Македонија, 20 ноември 2023. Посетено на 2 јули 2026. Според сеќавањето на шаховскиот коментатор Љубиша Андоновски, Ничевски имал важна улога и во создавањето на следната генерација шаховски телевизиски коментатори во Македонија.

Смрт Ристо Ничевски починал во 1996 година во Ереван, каде што престојувал како известувач на Македонската телевизија од Шаховската олимпијада. Според шаховската база PerpetualCheck, датумот на неговата смрт е 18 септември 1996 година.„Old Players - Macedonia“, PerpetualCheck. Посетено на 2 јули 2026.

Клубови Во текот на кариерата настапувал за шаховските клубови „Кочо Рацин“, „Автокаросерија“ и „Студент“.

Литература

Дејан Ничевски, Risto Ničevski: odbrani šahovski partii, 2007, ISBN 978-9989-57-492-4.

Надворешни врски

Ристо Ничевски на ChessBase Историски ФИДЕ-рејтинг на Ристо Ничевски на OlimpBase Партии на Ристо Ничевски на 365Chess

Наводи