Портрет на Сер Кристофер Рен — слика со масло на платно од британскиот уметник роден во Германија, Годфри Кнелер, на англискиот архитект Кристофер Рен, од 1711 година. Рен, полимат, бил најпознат по својот дизајн на катедралата „Свети Павле“, заедно со повеќе други згради во англиски барокен стил. Портретот е насликан за време на владеењето на кралицата Ана, кога катедралата што Рен ја дизајнирал многу години претходно била при крај. Тој е прикажан како ветеран, етаблирана личност, на возраст од седумдесет и девет години. Неговата десна рака држи компас и се потпира на план од црквата „Свети Павле“.Ingamells p.311Tinniswood p.192
Кнелер бил водечкиот портретист во Британија кон крајот на седумнаесеттиот и почетокот на осумнаесеттиот век. Делото било стекнато од Националната галерија на портрети во Лондон во 1860 година. Денес, копии на делото постојат во „Ол Соулс“ во Оксфорд, болницата Челзи и деканатот на катедралата „Свети Павле“.
Наводи
Библиографија
Холис, Лео. Феникс: Катедралата Свети Павле и луѓето кои го создадоа модерен Лондон. Хашет, Велика Британија, 2011. Ингамелс, Џон. Национална галерија на портрети, Подоцнежни портрети на Стјуарт, 1685-1714. Национална галерија на портрети, 2009. Џардин, Лиза. На поголем обем: Извонредната кариера на Сер Кристофер Рен. ХарперКолинс, 2003. Пајпер, Дејвид. Каталог на портрети од седумнаесеттиот век во Националната галерија на портрети 1625-1714. 1963 Тинисвуд, Адријан. Неговиот изум толку плоден. Рендом Хаус, 2010.
Категорија:1711 во уметноста