Still Wakes the Deep — психолошка игра на ужасите од 2024 г., развиена од The Chinese Room и објавена од Secret Mode. Заплетот ја следи приказната за електричарот Камерон „Каз“ Маклири (гласот на Алек Њуман), кој останува заглавен на оштетена нафтена платформа во Северното Море во 1970-тите, без можност за бегство, додека таинствени чудовишта го прогонуваат под екстремни временски услови.

Играта, прикажана од прво лице, нема систем за борба — играчите мораат да се потпрат на потајност и решавање едноставни загатки за да преживеат. Како што напредуваат, нафтената платформа постепено се менува, иако самата игра е релативно праволиниска.

Соосновачот на студиото, Ден Пинчбек, ја опишал играта како „Нешто, но сместена на нафтена платформа“ и бил нејзин директор сѐ до неговото заминување во 2023 г. Студиото, познато по игрите Amnesia: A Machine for Pigs (2013) и Everybody's Gone to the Rapture (2015), со оваа игра се вратило на раскажувачките приказни на ужасите.

Иако играта вклучува натприродно суштество, главен противник е самото море — окружувањето е направено да предизвика страв од висина, давење и клаустрофобија. Како вдахновение послужиле филмовите Авантурата на Посејдон и Уништување.

За да се обезбеди веродостојност, екипата интервјуирала инженери што работеле на нафтени платформи и ги проучувала архивските документи на Би-пи. Гласовните улоги ги толкувале шкотски глумци, а главниот лик го зборува Алек Њуман. Објавена во јуни 2023 г., играта излегла за Microsoft Windows, PlayStation 5 и Xbox Series X/S во јуни 2024 г. Добила потврдни одзиви за приказната, атмосферата, графиката, звукот и озвучувањето, но била критикувана за линеарноста и кратката должина. Играта била предложена за 2 награди на 28-тите годишни D.I.C.E. Awards, и 8 номинации на 21-тите British Academy Games Awards, од кои освоила три.

Содржина На 26 декември 1975 г., Камерон „Каз“ Маклири оженет маж со две ќерки, бега од шкотската полиција поради насилен судир со човек по име Били Чемберлен. За да избегне затвор и да ја заштити сопругата Сјуз и нивните деца од тоа да го загубат станот, Каз добива помош од својот најдобар пријател Рој, дијабетичар и готвач на нафтената платформа „Беира Д“. Иако Каз нема никакво предзнаење или искуство во нафтената индустрија, сепак го вработуваат како електричар; се надева дека времето поминато таму ќе му овозможи ситуацијата да се смири и обвиненијата да бидат повлечени.

Но заминувањето го нарушува неговиот брак; подоцна добива писмо од Сјуз, во кое таа навестува развод. И самата „Беира Д“ е лошо изградена и преполна со проблеми: нејзиниот шеф, Реник, е непопуларен, невнимателен и лошо расположен. Со поддршка од Рој, Каз помага во одржувањето на платформата заедно со колегите Финли, Броди и други.

Разбеснетиот Реник дознава за случката со Каз и го отпушта. Но пред да се качи на вртолетот за копното, доаѓа до катастрофален дефект при дупчењето, што го фрла него и неколкумина други во морето. Само Каз е спасен — полумртов од хипотермија. Откако закрепнува, открива дека ситуацијата уште повеќе се влошила: платформата почнува да се распаѓа, додека таинствени органски маси со жилести пипала — слични на огромни крвни садови — што биле извлечени при дупчењето, почнуваат да ја заразуваат долната структура. Многу од работниците, заразени преку допир со загадената нафта, се мутираат во чудовишта што ги ловат останатите членови на екипажот.

Прикрадувајјќи се низ платформата, Каз го наоѓа Рој во кујната и сам тргнува да ги обезбеди чамците за спасување, но поради лошиот строеж, тие се изгубени. Реник наредува евакуација со вртолет, но откако полетува без да ги почека другите, вртолетот удира во платформата и се урива. Со „Беира Д“ на работ на пропаст, Броди, Финли и Каз соработуваат за да ја одржат струјата, да спречат превртување и да избегнат избувнување од гас кога кулата со факелот откажува — сето тоа додека ги напаѓаат мутираните работници и додека добиваат спомени од своите семејства.

Каз се враќа да го спаси Рој, но го наоѓа мртов — починал од дијабетична кетоацидоза. По жртвата на Броди, кој се фрла за да ја одржи платформата да плови, очајниот Финли избезумува и се обидува да ја дигне платформата во воздух, но го згмечува паднато железо. Пред да умре, Финли го убедува Каз да го направи тоа: заразата ја има преземено целата платформа и не смее да се прошири на копно. За да го заштити семејството и да им се одмазди за пријателите, Каз ја пали „Беира Д“, уништувајќи сѐ на неа; во своите последни мигови, се сеќава на првата средба со Сјуз и раѓањето на нивните деца.

Назад во Шкотска, Сјуз пишува ново писмо до Каз, решена да го спаси нивниот брак, посакувајќи тој и Рој да се вратат дома.

Наводи

Надворешни врски

Категорија:Игри за PlayStation 5 Категорија:Игри за Windows Категорија:Игри за Xbox Series X/S