Swedish House Mafia (SHM) е шведска хаус-супергрупа составена од Аксвел, Стив Анџело и Себастијан Ингросо. Групата официјално била основана кон крајот на 2008 година. Во 2011 година на анкета од списанието DJ Mag оваа група завршила на десетто место на списокот од „100 најдобри диџеи“, а нејзините членови биле нарекувани „ликови од популарната прогресивна хаус-музика“. Често им се припишува заслугата за „поставување на звукот за бумот на електронската денс-музика на почетокот од 2010-тите, за што придонеле повеќе од секој друг изведувач во модерната денс-музика“. Во 2012 година, на анкетата за „Најдобри 100 диџеи“ од DJ Mag тие биле рангирани на дванаесеттото место. Најпознат сингл од групата е „Don't You Worry Child“.
На 24 јуни 2012 година, групата објавила дека членовите ќе се разделат. Последен настап имале во Ултра Мајами на 24 март 2013 година. Следните пет години, Анџело се посветил на неговата соло-кариера, а Аксвел и Ингросо настапувале како дуо под името Аксвел и Ингросо. На 25 март 2018 година, групата неочекувано се обединила и со нивен настап бил затворен јубилејниот, 20-ти фестивал Ultra Music Festival во Мајами, Флорида. Групата го издала првиот студиски албум, Paradise Again, на 15 април 2022 година преку нивната нова издавачка куќа, Republic.
Дискографија
Paradise Again (2022)
Турнеи Take One Tour (2009–2010) One Last Tour (2012–2013) Save the World Reunion Tour (2019) Paradise Again World Tour (2022) Latin America Tour (2023)
Наводи
Надворешни врски
Категорија:Добитници на MTV Europe музички награди Категорија:Музички групи основани во 2008 година Категорија:Електронски музички групи Категорија:Прогресивни хаус-музичари Категорија:Електро-хаус музичари Категорија:Шведски музички групи Категорија:Денс музички групи Категорија:Музички групи распаднати во 2013 Категорија:Музички групи возобновени во 2018 Категорија:Шведски електронски музички групи Категорија:Супергрупи