Долга реса крај морето () е роман од 2019 година на чилеанската авторка Изабел Аљенде. Оригинално објавен во Шпанија од Плаза и Јанес а првпат бил објавен во Соединетите Држави од Винтиџ Еспањол. Романот бил издаден во 2019 година на шпански како Largo pétalo de mar, а на англиски бил преведен од Ник Каистор и Аманда Хопкинсон. Раскажана преку измислени ликови во контекст на вистински историски настани, приказната се одвива делумно за време на Шпанската граѓанска војна и делумно во Чиле каде што протагонистите повторно се сведоци на борбата помеѓу слободата и репресијата. Долга реса крај морето била најпопуларна книга во Шпанија помеѓу април 2019 и април 2020 година.
Заплет Приказната започнува за време на Шпанската граѓанска војна во Барселона, каде што главниот лик, Виктор Далмау, ги напуштил медицинските студии за да и помогне на Шпанската републиканска војска против фашистичките сили на генералот Франциско Франко. Неговиот брат, Гиљем, исто така републикански војник, умира во Битката кај Ебро. Виктор бара помош од неговиот баскиски пријател, Аитор Ибара, за да ја испрати мајка си и, Розер, во Франција, бидејќи победата на силите на Франко е се поизвесна. По многу обиди, тој и Розер повторно се соединуваат во Франција и дознаваат дека Винипег, брод изнајмен од поетот Пабло Неруда, ќе однесе одреден број шпански бегалци во Чиле. Очајни да ја искористат оваа шанса, Виктор и Розер неволно се венчаваат за да се квалификуваат за патувањето. Тие тргнуваат на ова патување, но преселбата во туѓа земја не е крај на нивните проблеми, и таму повторно се принудени да бидат сведоци на борбата меѓу слободата и репресијата, која се чини како бескрајна војна.
Прием На веб-страницата Бук Маркс (анг: Book Marks), која доделува поединечни оценки за рецензии на книги од мејнстрим книжевни критичари, романот доби „Позитивна“ кумулативна оцена заснована на 20 критики. Марсела Дејвисон Авилес од НПР се восхитува на „надарените приказни“ на Аљенде, истакнувајќи дека „ Долга реса крај морето е љубовна приказна за овие времиња. Но, тоа не е приказна за која било ера. Нејзиниот повик е непроменлив, како онаа надежта на Неруда“. Обсервер ја пофалува вештината со која Аљенде раскажува приказна за „миграција“, „тема изострена од нејзината сопствена животна приказна“. Во својата рецензија за „Њујорк тајмс“, Пола Меклејн ги истакнува темите на овој роман: „Постои смисла дека секој човечки живот е одисеја и дека како и каде се поврзуваме ја создава структурата на нашето постоење: изворот на нашата хуманост. “. Киркус Ривјус (анг: Kirkus Reviews) ја пофалува вештината на раскажување приказни на Аљенде: „Аљенде има тенденција да ги опишува емоциите и настаните наместо да се задлабочува во нив, и ја слика историската позадина во многу широки потези, но како раскажувач е многу примамлива“.
Наводи
Категорија:Чилеанска книжевност