Апостол Трпески (, ) — македонски снимател.
Животопис Трпески е роден на 6 септември 1948 година во Тетово, СФРЈ. Дипломирал на Академијата за театарска, филмска и телевизиска уметност – отсек кинематографија на Универзитетот во Загреб, СР Хрватска.
Кариера Од 1971 до 1992 година, тој работел во Македонската национална телевизија како снимател и директор на фотографија. Снимил многу серии и ТВ-емисии од различни жанрови, направил околу сто репортажи, многу документарни филмови и ТВ- филмови и уште околу сто музички емисии, серии и музички и комерцијални видеа, користејќи секакви технологии.
Од 1992 година, работел како професор и раководител на Катедрата за филм и ТВ камера при Факултетот за драмски уметности, Универзитет „Св. Кирил и Методиј“. Десет години бил продекан на Факултетот за драмски уметности.
Бил член на Друштвото на филмски професионалци на Македонија и член на Советот на Меѓународниот фестивал на филмската камера „Браќа Манаки“. Бил член на Сенатот на Универзитетот Св. Кирил и Методиј“ и на Советот за радиодифузија на Република Македонија. Бил претседател на управниот одбор на Филмскиот фонд на Македонија.
Автор е на книгата Филмска и ТВ камера, книга 1 - основа на кинематографијата (2000).
За својата работа е награден со многу награди.
Филмови
Како директор на фотографија
1993: Wonderful World, сегмент од првиот македонски омнибус „Светло сиво“ 1997: Џипси меџик http://www.maccinema.com/Catalog.aspx?p=58 - http://www.unet.com.mk/manaki97/gypsi/gypsy_e.htm 2002: Каменот тежи на сопственото место 2002: Клевета 2003: Чекор пред времето 2003: Кај мајсторот јазичар 2004: Под 2006: Нави 2007: Искушение 2009: Бунило 2014: До балчакhttps://www.imdb.com/title/tt2396459/fullcredits?ref_=tt_cl_sm#cast- https://www.youtube.com/watch?v=35q1sKuUypw 2016: Златна петорка 2016: Љубов и предавство (ТВ-серија) 2018: Црвениот поет (10 епизоди)
Наводи
Надворешни врски Кинотека на Македонија
Факултет за драмски уметности - Скопје Анимекс Скопје фестивал за анимација УНИВЕРЗИТЕТ ВО ЗАГРЕБ, АКАДЕМИЈА ЗА ДРАМСКА УМЕТНОСТ
Категорија:Македонски сниматели Категорија:Македонски писатели Категорија:Југословенски сниматели Категорија:Професори на Факултетот за драмски уметности - Скопје Категорија:Апсолвенти на Загрепскиот универзитет