Томас Весли Пенц (анг: Thomas Wesley Pentz; роден на 10 ноември 1978 г.), професионално познат како Дипло (анг: Diplo), ― американски диск-џокеј, текстописец и музички продуцент. Тој е ко-основач и член на електронската група Major Lazer, член на супергрупата LSD со Сија и Лабринт, член на електронското дуо Jack Ü и член на Silk City со Марк Ронсон. Тој ја основал и раководи со издавачката куќа Mad Decent, и исто така е ко-основач на непрофитната организација Heaps Decent. Неговото ЕP од 2013 година, Revolution, дебитирало на 68-то место на американскиот Билборд 200.

Дипло соработувал и бил во врска со британската раперка M.I.A., која е заслужна за неговиот пробив на почетокот од кариерата. Подоцна, тој и неговиот колега Свич создале јамајски денс проект и анимирана серија насловена како Major Lazer. Потоа, Дипло работел на проекти за продукција и миксирање со многу други поп уметници, како: Гвен Стефани, Die Antwoord, Бритни Спирс, Мадона, Шакира, Бијонсе, Ели Гулдинг, No Doubt, Џастин Бибер, Ашер, Снуп Дог, Крис Браун и други.Diplo: The Stylus Interview – Article . Stylus Magazine. Retrieved on October 23, 2010.Interviews: Diplo . Pitchfork (April 3, 2005). Retrieved on October 23, 2010.Dan DeLuca, "Musical Diplo-mat", The Philadelphia Inquirer, January 19, 2006, Pg C01 Неговото уметничко име е кратенка од Диплодокус и потекнува од неговата импресионираност од диносауруси.

Живот и кариера Дипло е роден на 10 ноември 1978 година во Тупело, Мисисипи. Тој има германско и англиско потекло. Дипло завршил средно училиште во Хендерсонвил, Тенеси.

Иако е роден во Мисисипи, поголемиот дел од својата младост го поминал во Мајами, каде се запознал со карактеристичниот Мајами-бас. Во 1997 година се запишал на Универзитетот во Централна Флорида. Додека студирал таму, станал диџеј на локалната радио станица WPRK. Подоцна се преселил во Филаделфија и ги продолжил студиите на Универзитетот Темпл, каде што за прв пат се истакнал како диџеј. На 20-годишна возраст, Дипло заминал за Индија. Тој купил половен мотоцикл Енфилд и патувал низ индиските региони: Ладак, Утараханд, Западен Бенгал и Гуџарат. Додека бил во Индија, тој собирал плочи и посетувал места за да ги слуша луѓето кои свират на ситар и табла.

Откако се вратил во САД се запознал со диџејот Low Budget. Во 2003 година, двајцата почнале да прават забави насловени како „Hooked on Hollertronix“.

Во 2004 година, Томас Весли Пенц, под псевдонимот Дипло го издал својот прв солистички албум „Florida“.Big Dada Diplo – Florida . Ninjatune.net. Retrieved on October 23, 2010. Албумот бил снимен двапати, прво на ЦД, а потоа на ДВД.

Во 2004 година додека бил диџеј во Fabric Club во Лондон му пришла M.I.A. Дипло продолжил да работи со M.I.A. и преку неа го запознал лондонскиот диџеј Свич. Заедно, тие ја создале песната „Paper Planes“ номинирана за Греми, која стигнала до 4-то место на Billboard Hot 100.Diplo Talks Sample of the Millennium, the Return of Fun and Other Musical Secrets | Underwire . Wired.com. Retrieved on October 23, 2010. Во 2015 година, во интервју за Ролинг Стоун, M.I.A. рекла дека на Дипло во 2005 не му се допаѓало што таа станала славна, дека се обидел да ја спречи и се натпреварувал со неа за тоа кој ќе биде поуспешен.

Тој е основач и сопственик на познатата етикета Mad Decent.

Во 2009 година, Дипло, заедно со диџејот и продуцент Switch, го започнале проектот Major Lazer. Но, во 2011 година тие се разделија. Switch го напуштил проектот. Групата Major Lazer ја сочинуваат Diplo, Jillionaire и Walshy Fire.

Неколку години на радио-1 на Би-Би-Си водел свое неделно шоу „Дипло и пријателите“.

Во 2013 година, бил номиниран за Греми во категоријата „некласичен продуцент на годината“.

Во 2015 година, Дипло беше најпопуларниот музичар на апликацијата за препознавање музика Шазам. Корисниците на апликацијата ги пребарале неговите песни околу 40 милиони пати во една година.

мини| Дипло настапува во Soundlab во Бафало, Њујорк, мај 2009 година

Личен живот Дипло има три сина: Локет и Лазер, со Кетрин Локхарт; и Пејс, со Џевон Кинг.

Бил во врска со M.I.A од 2003 година до 2008 година. M.I.A. подоцна рекла дека во нивната бурна врска имало и емоционална злоупотреба од негова страна. Дипло, речиси една година бил во врска со пејачката Кети Пери, во 2014 и 2015 година.

Дискографија Студиски албуми

Florida (2004) Chapter 1: Snake Oil (as Thomas Wesley) (2020) MMXX (2020) Diplo (2022)

Наводи

Надворешни врски

Diplo discography at Discogs

Категорија:Американци со германско потекло Категорија:Американски хип-хоп продуценти Категорија:Живи луѓе Категорија:Родени во 1978 година Категорија:Статии со hCards Категорија:Статии со краток опис Категорија:Американски диџеи Категорија:Американски рапери Категорија:Добитници на MTV Video музички награди Категорија:Добитници на Греми Категорија:Американски кантавтори