O Alba Berlin, tamén coñecido como Berlin Albatrosse, é un equipo profesional de baloncesto alemán con sede na cidade de Berlín. O club foi fundado en 1991, e é hoxe o dos equipos de baloncesto xermano con máis afiliados. O Alba Berlin, que xoga os seus partidos como local no Mercedes-Benz Arena con capacidade para 14 500 espectadores, actualmente participa na Basketball Bundesliga e na Eurocup. Tras gañar once Ligas de Alemaña, once Copas, tres Supercopas e a Copa Korać en 1995, o Alba Berlin está considerado un dos clubs de baloncesto xermanos máis exitosos. Cunha media de asistencia por partido de máis de 10.000 espectadores durante a liga doméstica, é tamén un dos clubs máis populares de Europa. No ano 2012, o Alba foi o primeiro equipo alemán en xogar contra un campión da NBA, os Dallas Mavericks.
Historia Comezos Alba Berlin remonta a súa historia ao BG Charlottenburg, un club de baloncesto do oeste de Berlín que foi fundado en 1989. En 1991, o club é patrocinado pola empresa de reciclaxe Alba AG, acordando mudar o seu nome a Alba Berlín. Pouco despois, baixo a dirección do adestrador Faruk Kulenović, o Alba Berlín consegue finalizar en segundo lugar no campionato alemán. En 1993, o serbio Svetislav Pešić asume o cargo de adestrador, levando ao club a cultivar moitos éxitos, cousa que ningún outro equipo de baloncesto alemán lograra anteriormente. De feito, en 1995 gañan a Copa Korać, sendo o primeiro título internacional dun equipo alemán de baloncesto. En 1996, pouco despois de mudarse ao club do Sömmeringhalle ao Max-Schmeling-Ache, finalmente conseguiron a súa primeira liga após vencer ao campión Bayer Leverkusen e gañou. Ademais de gañar a Copa Korać e outros éxitos a nivel europeo, na súa carreira de sete anos como adestrador no club, Pešić gañou catro ligas e unha copa.
Profesionalización Baixo a dirección do adestrador Emir Mutapčić o equipo gañou tres campionatos alemáns e dúas Copas de Alemaña, mais a nivel europeo non conseguiron nada. Como reacción á seca de títulos, o equipo era reconstruído cada tempada. En liga, nas temporadas 2004 e 2005 o equipo foi eliminado nas semifinais dos play-offs. A raíz diso, o club creou o cargo de director deportivo, que foi ocupado por Henning Harnisch. Ademais, a sección profesional do club transformouse en GmbH (Gesellschaft mit beschränkter Haftung, do alemán: Sociedade con Responsabilidade Limitada) o 1 de setembro de 2005.
Na tempada 2005−06, con Henrik Rödl como novo adestrador, o Alba Berlin gañou outra Copa de Alemaña. Ademais, o equipo acaba en primeiro posto na liga regular, mais finalmente perden na final das eliminatorias polo título ante o RheinEnergie Köln. Casualmente, o Köln estaba adestrado por Saša Obradović, ex xogador do Alba que axudara a gañar a Copa Korać de 1995. Na temporada seguinte, 2006−07, o club foi unha vez máis o campión da temporada regular, mais no play-offs foi eliminado en cuartos de final polos Artland Dragons. Este feito provocou o despedimento de Rödl e a sinatura dun novo adestrador, Luka Pavićević, seguido doutra importante remodelación do equipo. Despois de problemas de lesións na preparación e no curso da tempada da tempada 2007−08, incluíndo a perda de Goran Jeretin para toda a temporada e de Aleksandar Rašić para os play-offs, en xaneiro de 2008 o equipo aproveitouse da insolvencia dos Köln 99ers e asinou aos seus principais xogadores, Immanuel McElroy e Aleksandar Nađfeji. Liderados polo MVP da liga Julius Jenkins, o equipo foi superior a todos os outros competidores nos play-offs e gañou o campionato de novo despois de cinco anos sen conseguilo.
Novo pavillón Co traslado ao pavillón O2World con capacidade para 14.500 espectadores, o entón campión rexente Alba Berlín abriu un novo capítulo na súa historia. De feito, foi o primeiro equipo na historia de Alemaña que facía unha media de máis de 7.000 afeccionados por partido. Por tanto, o director da ALBA Marco Baldi e o presidente do Consello de Supervisión, Axel Schweitzer, decidiron dar o seguinte paso cara a unha presenza permanente nas competencións internacionais. O Anschutz Group, propietario do O2World, e o club acordaron un contrato de quince anos, até 2023, con opción para outros 10 anos.
Como campión rexente, o Alba participou na Euroliga 2008−09. Alí, o equipo atinxiu o Top 16, mais non puido loitar contra clubs europeos de elite como o Real Madrid ou Maccabi Tel Avis. Con todo, Alba tivo a asistencia ao pavillón máis alta de Europa con 11.264 espectadores por encontro. Ademais, o club reuniu a 14.800 espectadores no principal partido en casa de fase de grupos contra o Union Olimpija, récord nun partido de Euroliga en Alemaña. A nivel nacional, na final de Copa, Alba derrotou a Baskets Bonn. Máis tarde, Alba foi eliminado polo mesmo equipo nas semifinais do play-off a cinco partidos. En 2009 e 2015, o director do equipo, Marco Baldi, foi premiado polos executivos da Euroliga de Baloncesto co premio de Executivo do Ano.
O 8 de outubro de 2014, o Alba enfrontouse ao campión da NBA, San Antonio Spurs, aos que conseguiron gañar cunha canastra no último segundo de Jamel McLean (94–93). Nese mesma temporada, o Alba regresou á Euroliga, atinxindo de novo o Top 16. Porén, a nivel doméstico o equipo tivo unha temporada decepcionante: aínda que finalizaron en segun do lugar, o equipo foi eliminado en semifinais. A cousa sería peor ao ano seguinte, cando o equipo ten unha das súas peores temporadas da súa historia ao finalizar en sétimo lugar na liga regular. Nos play-offs foron eliminados nos cuartos de final. A situación foi parecida na campaña 2006−17 co equipo finalizando en sexto lugar, aínda que ao ano seguinte (2017−18) o equipo volve ocupar os postos de cabeza ao finalizar segundo.
Títulos miniatura|150px|A Copa Korać. Domésticos Liga Campións (10): 1997, 1998, 1999, 2000, 2001, 2002, 2003, 2008, 2020, 2021 Copa Campións (10): 1997, 1999, 2002, 2003, 2006, 2009, 2013, 2014, 2016, 2020 Supercopa Campións: 2008, 2013, 2014
Europeos Copa Korać Campións: 1995 Eurocup Subcampións: 2010
Xogadores Cadro actual
Dorsais retirados Números retiradosNºXogadorPosiciónEtapa 4 Henrik Rödl A 1993–2004 12 Wendell Alexis AP 1996–2002
Destacados
Stephen Arigbabu Stephan Baeck Uwe Blab Mithat Demirel Patrick Femerling Stefano "Nino" Garris Hansi Gnad Demond Greene Henning Harnisch Johannes Herber Jörg Lütcke Ademola Okulaja Teoman Öztürk Marko Pešić Henrik Rödl Heiko Schaffartzik Sven Schultze Akeem Vargas Moritz Wagner Christian Welp Vule Avdalović Saša Obradović Tadija Dragićević Dejan Koturović Vladimir Petrović Zoran Radović Miroslav Raduljica Jovo Stanojević Goran Jeretin Goran Nikolić Blagota Sekulić Vojdan Stojanovski Teoman Alibegović Ruben Boumtje-Boumtje Geert Hammink Vasily Karasev Matej Mamić Martynas Mažeika Kirk Penney Szymon Szewczyk Tanel Tein Jiří Zídek Wendell Alexis William Avery Michael Bradley Bobby Brown John Celestand Terry Dehere Sharrod Ford Kiwane Garris Julius Jenkins Immanuel McElroy Chris Owens Mike Penberthy Derrick Phelps Hollis Price Kevin Rankin Taylor Rochestie Peyton Siva Dijon Thompson Luke Whitehead Mike Whitmarsh Michael Wright
Partidos fronte equipos da NBA
Notas
Véxase tamén Ligazóns externas Sitio web oficial Datos do club en Euroleague.net Datos do club en Eurobasket.com
Categoría:Equipos de baloncesto de Alemaña