A praia de Lapamán é un areal da beira sur da ría de Pontevedra, situado entre os concellos de Marín e Bueu. Ten 800 m de lonxitude, con area fina e branca.
Está situada entre a praia de Covelo (ao sur) e a praia da Coviña. Separada por unhas rochas, está unha parte da praia coñecida como Muíño Vello. Desde ela chégase á illa de San Clemente, e desde ela vese Sanxenxo, Portonovo e as illas Ons.
Accédese a ela a través dunhas escaleiras. Está situada á beira da estrada N-552. Serve de pista de aterraxe para usuarios de parapente que engalan en Chans, no alto da parroquia de Cela."Un mozo resulta ferido despois de caer en Lapamán cando facía parapente", artigo en La Voz de Galicia, 6 de abril de 2010.
Galería de imaxes
Notas
Véxase tamén Outros artigos Praias da provincia de Pontevedra
Categoría:Praias de Bueu Categoría:Praias de Marín