Xulieta é un satélite interior de Urano. Foi descuberta a partir de imaxes tomadas pola Voyager 2 o 3 de xaneiro de 1986, e déuselle a designación temporal de S/1986 U 2. Recibiría máis tarde o nome da heroína da obra de William Shakespeare, Romeu e Xulieta. Tamén foi designada coma Urano XI.
Xulieta pertence ó grupo de satélites Portia, o cal inclúe a Belinda, Bianca, Desdémona, Portia, Crésida, Cupido, Rosalinda e Perdita. Estes satélites teñen características orbitais e propiedades fotométricas semellantes. Por desgraza, a parte da súa órbita, o seu raio de 53 kms e ó seu albedo xeométrico de 0,08, pouco máis se sabe deste astro.
As imaxes da Voyager 2 amosan a Xulieta coma un obxecto alargado co seu eixo maior apuntado cara Urano. A taxa de relación entre os eixos de Xulieta é de 0,5 ± 0,3, o que lle outorga unha forma extremadamente elipsoidal. A súa superficie é de cor gris.
Xulieta podería colidir cunha das lúas da súa veciñanza, Desdémona, dentro dos próximos 100 millóns de anos.
Notas
Véxase tamén Outros artigos Urano Ligazóns externas Juliet Profile by NASA's Solar System Exploration Juliet + Ring diagram (Courtesy of Astronomy Magazine 2005) Uranus' Known Satellites (by Scott S. Sheppard)
Categoría:Lúas de Urano