Robert Ingersoll Aitken, nado en San Francisco, California, o 8 de maio de 1878 e finado en Nova York o 3 de xaneiro de 1949, foi un escultor, medallista e deseñador de moedas estadounidense.
Algunhas das súas obras máis senlleiras son o frontón oeste do edificio do Tribunal Supremo dos Estados Unidos e as medallas e moedas conmemorativas da Exposición Panamá-Pacífico de San Francisco, en 1915.
Traxectoria
Primeiros anos e formación Robert I. Aitken naceu en San Francisco en 1878,Smith, P. (2012). fillo de Katherine Sophie Higgens e de Charles Hamilton Aitken.CARA (s/d). Páxina 60."Robert Ingersoll Aitken". Findagrave.comWinquist, K. (2000).
Cursou a súa educación secundaria na Lick High School de San Francisco, onde os seus profesores se decataron axiña dos seus dotes artísticos. Aínda na súa cidade natal, comezou a súa formación artística no Mark Hopkins Institute of Art —posteriormente reconvertido en Instituto de Arte de San Francisco—,CARA (s/d). Páxina 61. onde tivo como mestres a Douglas Tilden e a Arthur F. Mathews, entre outros."Robert Aitken papers, circa 1900-1960". Archives of American Art. Smithsonian Institution."Robert I Aitken". Medallicartcollector.com Logo dun ano nesa Escola de Arte, con só 18 anos, Aitken estableceu o seu propio estudio en 1896, ano no que tamén fixo a súa primeira exposición, no Bohemians Club.CARA (s/d). Páxina 62.
En 1895 realizou a súa primeira viaxe a París para perfeccionar as técnicas escultóricas. Alí visitou museos e galerías, e traballou tamén nun estudio.
Escultor profesional e profesor Ao seu regreso a San Francisco, Aitken organizou unha exposición no Bohemians Club, do que era membro,CARA (s/d). Páxina 63. e outra en Nova York, e abriu un novo estudio no que deu inicio a unha prolífica traxectoria como artista profesional, con obras como The Gate of Silence, Art Lured to Bohemia, Life's Flowing Bowl, Ambition ou Kismet, entre outras moitas.CARA (s/d). Páxina 64.
En 1900 do deseño da bandeira municipal orixinal de San Francisco, que estivo en uso desde ese ano ata principios da década de 1920.Lumea, J. (2018). "The Original San Francisco Flag Was Better and Cooler. Let’s Bring It Back!". En The Bold Italic. 12 de setembro.
Ademais, cando en 1901 Douglas Tilden dimitiu como xefe do Departamento de Escultura do Mark Hopkins Institute of Art para se dedicar integramente á súa actividade creativa, Robert Aitken ofreceuse para o substituír no posto, o cal desempeñou entre ese ano e 1904.CARA (s/d). Páxina 69. Anos despois tamén impartiu docencia na Art Students League.
En 1904 iniciou unha segunda estadía en París, de tres anos de duración, onde se dedicou á modelaxe de varios retratos en relevo de pintores paisaxistas, que máis tarde serían expostos en San Francisco no Bohemian Club. En 1907, expuxo no Salón de París a súa figura heroica "O Atleta". CARA (s/d). Páxina 70.
Logo dos tres anos en París regresou a Nova York. O seu estudio alí converteuse nun centro moi activo da vida artística da cidade, e a súa figura como escultor comezou a ter recoñecemento internacional.CARA (s/d). Páxina 71. Aitken recibiu a encarga de facer unha escultura de retrato do presidente William Howard Taft, para o que viaxou a Washington; este retrato foi presentado na exposición de inverno da Academia Nacional de Deseño de Nova York en 1910, e posteriormente na Exposición Internacional de Roma de 1911.CARA (s/d). Páxinas 71-72.
En 1908 foi galardoado co primeiro premio Helen Foster Barnett, da National Academy of Design, por unha composición de figuras titulada "A Chama". A mesma academia elixiuno en 1909 membro asociado, e en 1914 membro de pleno dereito.CARA (s/d). Páxina 72.
No transcurso da primeira guerra mundial, en 1916 Aitken foi capitán do Exército dos Estados Unidos, no campo de adestramento de primeiros oficiais en Plattsburg, Nova York, e foi enviado a Francia, experiencia que lle serviu para crear unha serie de esculturas titulada "Camaradas de Armas".CARA (s/d). Páxina 80.
Os arquivos de Robert I. Aitken están conservados nos Archives of American Art, do Instituto Smithsoniano.
Vida persoal Aitken casou o 27 de novembro de 1907 con Laure Louise Ligny (1886-1969), a quen coñecera na súa segunda estadía en París, e con ela tivo unha filla e un fillo. Logo do divorcio da súa primeira esposa, casou en segundas nupcias en 1934 con Joan Louise Bruning (1898-1980), con quen tivo un segundo fillo.
Robert Ingersoll Aitken faleceu na súa casa de Nova York o 3 de xaneiro de 1949, aos 70 anos, e o seu corpo foi incinerado.
Obras
Escultura miniatura|260x260px|Fountain of the Earth (1915), para a Exposición Panamá-Pacífico, en San Francisco.Perry, S. G. S. (1915). The Sculpture & Murals of the Panama-Pacific International Exposition. The Wahlgreen Company, San Francisco. Páxina 45.
Unha das súas primeiras obras escultóricas máis destacadas, da que se ocupou logo de gañar un concurso, foi un monumento para conmemorar a vitoria do almirante George Dewey na baía de Manila durante a guerra hispano-estadounidense, que aínda se erixe en Union Square, en San Francisco. O contrato deste monumento produciuse en 1901 e a súa conclusión produciuse en 1903.CARA (s/d). Páxina 67.
O mesmo ano do monumento a Dewey, Aitken gañou outro concurso, para un monumento ao presidente William McKinley, que se colocou no Golden Gate Park de San Francisco. Máis tarde, entre os seus grandes bronces, Aitken fixo unha figura heroica do pioneiro Hall McAllister, que se colocou fronte ao edificio municipal de San Francisco.CARA (s/d). Páxina 68.
En 1904, Aitken esculpiu unha estatua de 4,6 metros dunha figura feminina que representaba a República, para o Monumento a William McKinley, que se pode ver no parque Panhandle, de San Francisco."William McKinley, (sculpture)". American Art Museum. Smithsonian Institution. miniatura|260x260px|Frontón oeste do Tribunal Supremo dos EEUU (1935).
Entre as súas obras destacan a "Fonte da Ciencia" e as estatuas dos Grandes Ríos no Capitolio do Estado de Missouri; a estatua de Iron Mike en Parris Island, Carolina do Sur; varias esculturas militares en West Point; o "Templo da Música" e outras obras escultóricas para o monumento á Liberdade en Kansas City, Missouri.
A Aitken débeselle tamén a "Fonte da Terra" para a Exposición Panamá-Pacífico de 1915 en San Francisco.CARA (s/d). Páxinas 75-77."Fountain of the Earth: Survival of the Fittest Group, (sculpture)". Art Inventories Catalog. Smithsonian Institution.
Mais a obra escultórica máis representativa da traxectoria de Aitken é o frontón occidental do edificio sede do Tribunal Supremo dos Estados Unidos, de 1935, que leva a inscrición Equal Justice Under Law ("Xustiza igual ante a lei). Ese conxunto escultórico, situado sobre a entrada principal do edificio, está formado por nove figuras: a Dama da Liberdade rodeada de figuras que representan a Orde, a Autoridade, o Consello e a Investigación. Estas figuras alegóricas eran en realidade esculturas de persoas reais que tiveron un papel relevante na creación do edificio. O propio Aitken está representado no frontón, sentado á esquerda da Liberdade, co presidente do Tribunal Supremo, Charles Hughes."Front of the Building: The West Pediment". . Páxinas 6-7.
Aitken creou controversia cando criticou a exposición e a colocación da estatua da Venus de Milo no Louvre."Robert Aitken Says Famous Venus de Milo in the Louvre Is Worst Placed of All". En The New York Times. 21 de maio de 1920.
A súa obra tamén formou parte do concurso de escultura dos Xogos Olímpicos de 1928."Robert Ingersoll Aitken". Olympedia.org
Moedas e medallas
Aitken tamén acadou un éxito notable como medallista e deseñador de moedas conmemorativas dos Estados Unidos.Alexander, D. T. (2012).
Entre os seus traballos máis salientables está o deseño da moeda de ouro de 50 dólares –en senllas versións, redonda e octogonal– conmemorativa da Exposición Panamá-Pacífico celebrada en San Francisco en 1915, cuñada na Casa da Moeda desta cidade.CARA (s/d). Páxina 79. Aitken encargouse tamén do deseño da medalla oficial da exposición,"Panama - Pacific International Exposition". Numista.com grazas a un concurso do que resultou gañador, polo que ademais foi premiado con 1.000 dólares.
En 1921 creou tamén unha moeda conmemorativa de prata de medio dólar conmemorativa do Centenario de Missouri, á que seguiu en 1936 o medio dólar da Exposición Internacional California Pacífico, que tivo lugar en San Diego, California, en 1935 e 1936.
No ámbito medallístico, Aitken foi o encargado de deseñar e gravar a medalla da American Numismatic Society de 1921, en conmemoración da visita do mariscal Foch aos Estados Unidos. Outras das súas creacións foron a medalla da 15ª edición da Sociedade de Medallistas Omnia Vincit Amor (1937), a medalla da Academia Nacional de Deseño ou a Medalla da Sociedade Nacional de Escultura, entre outras moitas.
Recoñecementos
1908: Medalla de ouro Phelan. 1908: Premio Helen Foster Barnett. 1915: Medalla de ouro da Architectural League. 1915: Dúas medallas de prata da Exposición Panamá-Pacífico. 1921: Medalla de ouro Watrous.
Notas
Véxase tamén
Bibliografía
Alexander, D. T. (2012). "The works of Robert I. Aitken". En Coin World. 28 de xuño. CARA (s/d). Robert Ingersoll Aitken. Biography and Works". California Art Research Archive. Smith, P. (2012). "Aitke, Robert Ingersoll". En American Numismatic Biographies. Páxina 7. Winquist, K. (2000). "Aitken, Robert Ingersoll". En American National Biography. Oxford University Press. ISBN 978-0-19-860669-7
Categoría:Nados en 1878 Categoría:Finados en 1949 Categoría:Nados en San Francisco Categoría:Escultores dos Estados Unidos de América Categoría:Deseñadores de moeda dos Estados Unidos de América Categoría:Profesores da Art Students League of New York Categoría:Membros da Academia Estadounidense das Artes e das Letras