A Medalla Eckhel (en alemán: Eckhel Medaille), outorgada desde 1958 pola Sociedade Numismática Austríaca (Österreichische Numismatische Gesellschaft –ÖNG–), é un dos recoñecementos máis prestixiosos do ámbito numismático en Austria, que premia os servizos destacados á numismática no seu aspecto científico por parte dos seus receptores."Eckhel-Medaille". Österreichische Numismatische Gesellschaft (Oeng.at).
Creación A data oficial de creación desta condecoración é o 13 de xaneiro de 1957, día en que se celebrou o 220 aniversario do nacemento de Joseph Hilarius Eckhel (1737-1798), numismático austríaco que lle dá nome. No entanto, non foi formalmente instituída ata a correspondente resolución tomada na asemblea xeral da ÖNG que tivo lugar o día 26 de marzo de 1958.
Galardoados Esta é a lista dos numismáticos galardioados coa medalla Eckel: 1958: Franz Wolny. 1959: August Loehr e Karl Pink. 1960: Amtsrat Josef Beisser. 1962: Günther Freiherr Probszt von Ohstorff. 1967: Eduard Holzmair. 1970: Fritz Dworschak. 1971: Robert Göbl. 2001: Franz Leypold. 2004: Günther Dembski. 2008: Wolfgang Szaivert. 2011: Franziska Schmidt-Dick. 2012: Heinz Tursky. 2013: Bernd Kluge. 2017: Michael Alram. 2021: Helmut Rizzolli, Bernhard Prokisch e Wolfgang Hahn. 2023: Hubert Emmerig. 2024: Wolfgang Fischer-Bossert e Haim Gitler. 2025: Lutz Ilisch e Heinz Winter. 2026: Nikolaus Schindel.
Notas
Categoría:Medallas Categoría:Premios de numismática Categoría:Premios de Austria