Фератрон — унікальная двухбаковая працэсійная ікона са збору Нацыянальнага гістарычнага музея Рэспублікі Беларусь, створаная ў XVIII стагоддзі.
Апісанне Ікона спалучае ў сабе рысы дэкаратыўна-прыкладнога і выяўленчага мастацтва. На фератроне да драўлянага разьбянога картуша з аднаго боку прымацавана жывапісная, напісаная на палатне алейнымі фарбамі выява Ісуса Хрыста, з другога — выява Маці Божай Ружанцовай з укленчанымі перад ёй Святымі Дамінікам і Розай Лімскай. Апошнія ў адпаведнасці з канонамі іканаграфіі прадстаўлены ў чорна-белай вопратцы манахаў-дамініканцаў.
Гісторыя Канкрэтных звестак аб іконе няма, вядома толькі, што яна патрапіла у фонды гістарычнага музея ў 1971 годзе падчас экспедыцыі па Віцебскай вобласці. У наш час працягваюцца даследчыя працы над іконай у гэтым кірунку. З-за дрэннага стану ікона да рэстаўрацыі ніколі не экспанавалася.
У 2012 годзе на вылучаныя Міністэрствам культуры сродкі ікона была адноўлена калектывам рэстаўратараў ААТ «Белрэстаўрацыя» на чале з Уладзімірам Нікіціным.
4 сакавіка 2013 адноўлены фератрон быў урачыста прэзентаваны ў Нацыянальным гістарычным музеі Рэспублікі Беларусь.
Спасылкі ДВУХБАКОВЫ АБРАЗ ХVІІІ СТ. УПЕРШЫНЮ ПРАДСТАНЕ ПЕРАД ГЛЕДАЧАМІ ПАСЛЯ РЭСТАЎРАЦЫІ Помнік сакральнай культуры Уникальная икона ХVIII века представлена в Минске
Катэгорыя:Абразы Беларусі Катэгорыя:Экспанаты Нацыянальнага гістарычнага музея Рэспублікі Беларусь Катэгорыя:З’явіліся ў XVIII стагоддзі