Warspear Online — гэта мабільная кросплатформавая шматкарыстальніцкая ролевая 2D-відэагульня 2008 года, распрацаваная і выпушчаная расійскай студыяй AIGRIND LLC для Microsoft Windows, Android, iOS, Windows Mobile, Symbian. Упершыню гульня была запушчана ў 2008 годзе і была заснавана на мадэлі P2P і была перароблена ў 2010 годзе. У сакавіку 2011 года было запушчана абнаўленне пад назвай «Спадчына Берэнгара». Гульня пачала распаўсюджвацца па мадэлі F2P.
Гульнявы працэс
Геймплэй Warspear Online заснаваны на класічных элементах MMORPG. Гульцы выбіраюць персанажа з рознымі расамі і класамі, потым выходзяць у віртуальны свет, дзе яны могуць узаемадзейнічаць з іншымі гульцамі, выконваючы квэсты, здабываць досвед, захоўваць новыя прадметы і ўдасканальваць свае навыкі.
У гульні Warspear Online ёсць і PvE складнік, дзе гульцы змагаюцца з пачварамі і босамі ў некалькіх рэжымах, такіх як падзямеллі і рэйды. Акрамя таго, гульня мае PvP-бітвы, дзе гульцы могуць змагацца паміж сабой на арэнах, палях бою, у бітвах за замкі і іншых PvP-рэжымах. Адбываюцца таксама глабальныя вайны, у якіх гульцы могуць прыняць удзел, прадстаўляючы сваю расу і гільдыю.
Таксама існуюць элементы сацыяльнага ўзаемадзеяння, такія як гільдыі, дзе гульцы могуць аб’ядноўвацца для сумеснага выканання квэстаў і пабудовы ўласнай супольнасці. Гульня таксама мае сістэму гандлю, дзе гульцы могуць купляць і прадаваць прадметы і іншыя рэсурсы іншым гульцам.
Класы У Warspear Online даступна 16 класаў:
Лоўчы Паладзін Чараўнік Жрэц Шукальнік Храмоўнік Следапыт Друід Вартавы Варвар Разбойнік Шаман Рыцар смерці Чарнакніжнік Некрамант Жнец
Альянсы
Ахоўнікі
Абраныя Першародныя
Легіён
Горныя Кланы Адрынутыя
Узнагароды
НазваКатэгорыяВынікЗаўвагіBest App Ever Awards 2013Найлепшая шматкарыстальніцкая гульняПерамога
Сюжэт
Перадгісторыя Warspear Online распавядае нам пра чароўную Дзіду, якая падтрымлівала раўнавагу ў свеце Арынар. Але аднойчы магутны змей Гараган вырашыў захапіць Дзіду, каб атрымаць больш моцы і кіраваць усім светам. Так пачалася Вайна за Дзіду.
Агляды
У Steam Warspear Online атрымала ў асноўным станоўчыя водгукі ад карыстальнікаў на аснове 2279 водгукаў.
Гары Слэйтэр з PocketGamer ацаніў гульню ў 3 з паловай зоркі, патлумачыўшы сваю ацэнку так: «Прыемны візуальны стыль — гэта ўсё, што адрознівае гэтую MMO ад шматлікіх іншых цяжкіх марафонаў».
Крыніцы