Vilar de Barrio ye un conceyu español de la provincia d'Ourense, en Galicia. Pertenez a la Contorna d'A Limia.
Población en 2010: 1.645 persones según el Padrón municipal d'habitantes.
Patrimoniu Castros en Bóveda y Padreda, restos de llábanes funeraries, ponte sobre'l ríu Arnoia en Arnuíde, la cruz de San Martiño en Alemparte y parte d'una vía romana que diba dende Chaves hasta Verín. La casa del marqués de Bóveda en Padreda y la Casa dos Gaiosos na parroquia de Bóveda, del sieglu XVIII.
Camín de Santiago Esti camín de la Vía de la Plata crucia la parte oeste del conceyu travesando les parroquies de Vilar de Barrio y Padreada y les aldegues d'A Seara y Penouzos y ye una alternativa de la pelegrinación a Santiago.
Fiestes La fiesta gastronómica más importante de Vilar de Barrio ye la Fiesta de la Pataca (Festa da Pataca en gallegu), que se celebra nel mes d'ochobre; xunto cola de San Fiz celebrada'l primer fin de selmana d'agostu.
Parroquies A Alberguería (Santa María) Alemparte - Porto (San Martiño y San Antonio) Arnuíde (Santa María) Bóveda (Santa María) As Maus (San Pedro) Padreda (San Miguel) Prau (Santa Cruz) Rebordechau (Santa María) Seiró (San Salvador) Vilar de Barrio (San Pedro Fiz)
Clima Vilar de Barrio tien un clima bien nidiu pasando a fríu. Podría clasificase como clima de monte mientres l'Iviernu y como clima continental d'interior o mediterraneu nidiu mientres el Branu. La media de mínimes nel mes d'avientu ye de 2 °C y les máximes asítiense alredor de los 9 °C; la sierra que la arrodia fácilmente puede atopase nevada en dómina iverniza. Na dómina de Branu, la población puede llegar a esperimentar los 40 °C ya inclusive devasalos. Munches vegaes la sensación térmica ye más intensa que lo amosao en temperatures.
Referencies
Categoría:Llocalidaes de la provincia d'Ourense Categoría:Conceyos d'Ourense Categoría:Wikipedia:Mantenimientu:Llocalidaes d'España ensin partíu xudicial