Savallà del Comtat ye un conceyu de la contorna catalana de la Cuenca de Barberá (provincia de Tarragona). Según datos del 2011 la so población yera de 69 habitantes. El puntu máximu de la so demografía foi nel añu 1860 con 467 habitantes.DDAA, Catalunya poble a poble (2006) p. 74
Historia En documentos del 1043 apaez citáu como serra d'Avellano. A finales del sieglu XI, la familia Cervera recibió'l dominiu d'estes tierres de manes de los condes de Barcelona. Tuvo en poder d'esta familia hasta finales del sieglu XII cuando figura como señor de les tierres Gombau d'Oluja. Los sieglos siguientes camudó de manes, hasta que nel sieglu XIV quedó en manes de la familia Boixadors. En 1599, concedióse-y a Bernat de Boixadors i d'Erill el títulu de conde de Zavellá.BOE númberu 117 de 17/5/2006, páxina 18920 Nel 1705 el pretendiente Carlos d'Austria añadió-y la categoría de "grande d'España", pero nunca foi reconocida darréu.
Cultura Na población atopaba'l Castiellu de Savallá, reconstruyíu nos sieglos XV y XVI. Mientres un tiempu sirvió como residencia de los condes de Savallá, convirtiéndose nuna de les principales residencies del condáu, pero dempués quedó abandonáu. Namái queden de pies delles partes de los murios y de les dos torres. La ilesia parroquial ta dedicada a San Pedro y ye d'estilu góticu. Construyida nel sieglu XVIII sufrió fuertes desperfectos mientres la guerra civil.
Celebra les sos fiestes el 15 de mayu festividá de San Isidro, y el primer domingu d'ochobre, fiesta de la Virxe del Rosariu.
Economía La principal actividá económica ye l'agricultura de secanu. Destaca'l cultivu de ceberes, según dalgunes viñes.
Referencies
Bibliografía Tomàs Bonell, Jordi; Descobrir Catalunya, poble a poble, Prensa Catalana, Barcelona, 1994 Artículu na Enciclopedia Catalana (n'español)
Enllaces esternos
Categoría:Conceyos de Tarragona Categoría:Llocalidaes de la provincia de Tarragona Categoría:Wikipedia:Mantenimientu:Llocalidaes d'España ensin partíu xudicial