L'Estadiu Olímpicu de Pyeongchang (en , ) ye un estadiu multiusos de Pyeongchang, Corea del Sur. Foi inauguráu en 2017 y agospió la ceremonia d'apertura y clausura de los Xuegos Olímpicos d'Iviernu Pyeongchang 2018.
Los organizadores de los Xuegos Olímpicos orixinalmente nun pensaben construyir un estadiu olímpicu, por cuenta de que yá taben entamaes les sedes pa tolos deportes, y entamábase realizar la ceremonia d'apertura y clausura nel estadiu d'esquí de Alpensia. Pero tarrecíase qu'estes podríen atayar los entrenamientos y les preparaciones pa les competencies, polo cual decidió construyise l'estadiu solamente pa les ceremonies d'apertura y clausura.Tom Ravenscroft (9 de febreru de 2018). «Demountable stadium hosts opening ceremony for Pyeongchang Winter Olympics» (en inglés). Deezen. Consultáu'l 11 de febreru de 2018. Como'l condáu de Pyeongchang solamente tien una población permanente de 45.000 habitantes, decidióse que l'estadiu seya temporal, pa evitar una gran inversión negativa.
Una vegada remataos los xuegos, les graes van desmontase, ente que l'edificiu permanente va ser un centru d'exhibiciones multi propósitos y un muséu dedicáu a los Xuegos Olímpicos.
Magar ye inusual que s'utilice un estadiu olímpicu temporal, nun ye la primer vegada qu'asocede, yá que pa los Xuegos Olímpicos d'Albertville 1992 tamién s'utilizo un estadiu olímpicu temporal.
Ver tamién Ceremonia d'apertura de los Xuegos Olímpicos de Pyeongchang 2018
Referencies
Enllaces esternos Web oficial de los Xuegos Olímpicos de Pyeonchang (N'inglés).
Categoría:Estadios olímpicos Categoría:Instalaciones deportives de Corea del Sur