El bokmål (lliteralmente «llingua de llibru») ye l'estándar más común d'escritura del idioma noruegu, siendo'l nynorsk l'otru estándar. Ye utilizáu por ente'l 85 y 90% de la población y ye usáu comúnmente polos estudiantes estranxeros qu'aprienden noruegu.
Escritura y fala derecha|miniaturadeimagen|283x283px|Mapa de les formes oficiales d'idiomes de los conceyos noruegos. El colloráu representa'l bokmål, l'azul el nynorsk y el gris les zones neutres. La primer ortografía del bokmål foi oficialmente adoptada en 1907 col nome de riksmål depués de tar en desenvolvimientu dende 1897. Foi una adautación del danés escritu, que fuera comúnmente usáu dende la unión con Dinamarca. Esta variante del noruegu yera falada principalmente pola élite urbana del país, especialmente n'Oslu. Cuando en 1923, el gran periódicu conservador Aftenposten adoptó la ortografía de 1907, la escritura danesa perdió práuticamente tol so usu en Noruega. El nome bokmål foi adoptáu oficialmente en 1929 dempués d'una propuesta de llamar a la llingua escrita «dano-noruega», propuesta refugada por un votu nel Storting.
A diferencia de la mayoría de les llingües estándar, nun esiste un estándar pal bokmål (nin pal nynorsk) faláu. Hai, sicasí, variedaes falaes de noruegu que son cuasi idéntiques o tán estrechamente rellacionaes col bokmål escritu. Pa Gjert Kristoffersen en La Fonoloxía del Noruegu, el bokmål ye la variedá más común ente la clase media urbana, especialmente na parte oriental del sur de Noruega, onde s'atopa la capital, Oslu.
Historia Hasta alredor del añu 1300, l'idioma escritu de Noruega, el noruegu antiguu, yera esencialmente idénticu al nórdicu antiguu. La parte oral foi gradualmente estremándose en dialeutos rexonales y locales. Mientres Noruega permaneció como un reinu independiente, la llingua escrita caltúvose esencialmente constante.
En 1380 morrió'l rei Haakon VI de Noruega y Margarita I de Dinamarca asumió la rexencia, polo que Dinamarca y Noruega quedaron xuníes. Darréu xunióse tamién Suecia na llamada Unión de Kalmar, que duró hasta 1523. Pa empiezos del sieglu XVI, Noruega perdiera les sos instituciones polítiques separaes y, al dixebrase del reinu de Suecia, formó una unidá política llamada Dinamarca-Noruega, que se caltuvo hasta 1814, y na que Noruega se foi convirtiendo progresivamente nel miembru débil de la unión. Mientres esti periodu'l noruegu escritu foi reemplazáu pol danés, que foi usáu virtualmente en tolos documentos alministrativos.
Los noruegos empezaron a utilizar gradualmente'l danés na escritura, principalmente pola élite urbana n'ocasiones formales o oficiales. Anque'l danés nun se convirtió na llingua falada pola vasta mayoría de la población, pal añu 1814, cuando los llazos ente Noruega y Dinamarca yeren fuertes, un idioma vernáculu dano-noruegu, llamáu de davezu «fala educada diaria», convirtióse en llingua materna de parte d'esta élite urbana. Esta nueva variante idiomática dano-noruega yera similar al danés con pronunciación de noruegu del este, daqué de vocabulariu noruegu y una gramática simplificada. O como Kristoffersen lo espresó:
En 1814, Noruega foi entregada por Dinamarca a Suecia. Nesi momentu Noruega desafió a Suecia y los sos aliaos, declaró la so independencia y adoptó una constitución democrática. Anque obligada a sometese a una unión dinástica con Suecia, esti sentimientu independentista siguió creciendo, influyendo la evolución de la llingua en Noruega. Antiguos idiomes tradicionales fueron alicaos pol poeta patrióticu Henrik Arnold Wergeland (1808-1845), quien defendió una llingua escrita non danesa. Haugen indica que:
La más conservadora de los dos transiciones del idioma foi adelantrada pol llabor d'escritores como Peter Asbjørnsen y Jørgen Moe, el maestru qu'entamó la reforma llingüística Knud Knudsen y el so famosu discípulu Bjørnstjerne Bjørnson, como una más prudente norueguización por Henrik Ibsen. En particular, el trabayu de Knudsen na reforma llingüística a mediaos del sieglu XIX foi importante pa la ortografía de 1907 y la subsecuente reforma de 1917. Knudsen ye de cutiu llamáu «padre del bokmål».
Carauterístiques
Diferencies col dialeutu tradicional d'Oslu Coloquialmente, l'estándar østnorsk ye davezu llamáu'l dialeutu d'Oslu. Sicasí, esto nun ye del tou correutu, darréu que l'østnorsk estándar nun ta confináu a Oslu y el dialeutu tradicional d'Oslu ye distintu al østnorsk''' estándar. En realidá, munchos nativos d'Oslu pueden falar un sociolectu que va nuna escala dende'l dano-noruegu tradicional nun estremu hasta'l dialeutu d'Oslu nel otru estremu.
La siguiente tabla amuesa dellos casos importantes onde'l bokmål y el østnorsk estándar paécense más al danés que al dialeutu tradicional d'Oslu, según dellos exemplos de lo contrario. Les formes radicales que tán dexaes pero nun son bien usaes indíquense ente paréntesis.
+ Diferencies ente'l bokmål y el dialeutu d'Oslu Danés Bokmål/Østnorsk estándar Dialeutu d'Oslu tradicional radical Diferenciación ente masculín y femenínun home pequeñuuna muyer pequeña noen lille manden lillen kvinde noen liten mannen liten kvinne síen liten mannei lita kvinne síen liten mannei lita kvinne Diferenciación ente masc. y fem. definíu plurallos boteslos vagones nobådenevognene nobåtenevognene síbåtavognene Sufixo definíu plural neutrules cases -ene/ernehusene -enehusene -ahusa -ahusa Verbu débil xermánicu sufixu participiu pasáucycled -etcyklet -etsyklet -asykla -asykla Verbu débil xermánicu sufixu pretéritucycled -edecyklede -etsyklet -asykla -asykla Verbu fuerte xermánicu sufixu participiu pasáuescrito -etskrevet -etskrevet -iskrivi Infinitivu dividíuvenirtar en cama nokommeligge nokommeligge síkommaligge Frayamientu de final masculín y vocal sin acentuescalaronda nostigerunde nostigerunde sístegarunde Diptongos escandinavu occidentalpiernafumusuave/moyáu (adjetivo) nobenrøgblød nobenrøkbløt síbeinrøykblaut síbeinrøykblaut Escandinavu occidental u por oponte nobro nobro síbru síbru Escandinavu occidental a-umlautpisu nogulv nogulv (sí)(golv) sígølv Acentu en primer sílaba en préstamu de pallabresbanana no/ba'na:n/ no/ba'na:n/ sí/'banan/ Retroflexu /ɽ/ del noruegu antiguu /rð/mesa, tablón no/bo:r/ no/bu:r/ sí/bu:ɽ/ Retroflexu /ɽ/ del noruegu antiguu /l/sol no/so:l/ no/su:l/ sí/su:ɽ/ sí/su:ɽ/ Vocabulariu danéscomer por qué síspisehvorfor síspisehvorfor noetaåffer Vocabulariu danésnenacómo sípigehvordan sípikehvordan nojente(åssen) nojenteåssen
Ver tamién Idioma noruegu Idioma danés Nynorsk''
Referencies
Enllaces esternos
Categoría:Llingües de Noruega Categoría: Llingües escandinaves Categoría: Llingües xermániques