L'Asamblea Xeneral de les Naciones Xuníes proclama'l 11 d'ochobre como Día de la Solidaridá colos Presos Políticos de Sudáfrica.
Celebración
El 9 de payares de 1976 l'Asamblea Xeneral de les Naciones Xuníes na so resolución 31/6 C proclama'l 11 d'ochobre como Día de la Solidaridá colos Presos Políticos de Sudáfrica. Organización de les Naciones Xuníes
Fin del apartheid
La lliberación de Nelson Mandela nel 1990, dempués de 27 años de prisión, y la socesiva eleición a xefe d'Estáu, decretaron el fin del apartheid.
Les eleiciones del 1994 determinaron la victoria aplastante del Congresu Nacional Africanu (CNA), col 62,65% de los votos, pero per debaxo del estragal del 66,7% (esto ye, los dos tercios) que dexaríen modificar la constitución y d'entós gobierna ininterrumpidamnete el país, primero con Nelson Mandela, dempués con Thabo Mbeki, y socesivamente con Kgalema Motlanthe. La Comisión pola Verdá y la Reconciliación, instituyida nel 1995, ocupóse d'axuntar testimonios sobre les violaciones de los derechos humanos y concedió l'amnistía a quién confesara bonalmente y dafechu los crímenes cometíos a les órdenes del gobiernu.
El Sudáfrica post-apartheid, añadiendo nueve llingües africanes, llevó'l total de los idiomes oficiales a once. Otru xestu del nuevu gobiernu foi l'abatimientu del arsenal sudafricano.
L'aniversariu de les eleiciones del 27 d'abril celébrase como un día festivu pal Sudáfrica, conocíu como Fiesta de la Llibertá.
El Sudáfrica del post-apartheid
Les condiciones de vida pa los negros, sicasí, siguen siendo bien difíciles. El gobiernu sudafricano tuvo qu'aceptar les polítiques neolliberales del Fondu Monetariu Internacional: fíxose cargu de pagar la delda internacional creada polos precedentes gobiernos, tamién privatizando munches empreses nacionales. Los servicios sociales (agua, educación, salú) nun son reconocíos a toos. Nes periferies urbanes los probes nun son inda ciudadanos a tolos efeutos.
Referencies
Ver tamién
Convención Internacional sobre la Eliminación de toles Formes de Discriminación Racial
Enllaces esternos
Sitiu Oficial del Día de la Solidaridá colos Presos Políticos de Sudáfrica Comité pa la Eliminación de la Discriminación Racial. Organización de les Naciones Xuníes Convención Internacional sobre la Eliminación de toles Formes de Discriminación Racial
Categoría:Día Internacional Categoría:Apartheid Categoría:Represión política