Pepper ye un robot humanoide social desarrolláu por Aldebaran Robotics pa SoftBank y presentáu públicamente en Xapón en xunu de 2014.Aldebaran, «Pepper Press Kit», 2022. Foi diseñáu principalmente pa interactuar coles persones por aciu de la fala, los xestos y la reconocencia d'elementos del comportamientu humanu, y utilizóse en comercios, instituciones, centros educativos y proyectos d'investigación.
Pepper mide unos 1,20 metros y pesa unos 28–29 kg. En cuenta de caminar sobre dos piernes desplazase sobre tres ruedes omnidireicionales. Dispón de cuatro micrófonos, cámares, sensores de profundidá, sensores táctiles, sonares, láseres y una pantalla táctil de 10,1 pulgaes nel pechu.SoftBank Robotics, «製品仕様 – 人型ロボット Pepper», especificaciones del productu. La batería foi diseñada pa permitir hasta unas doce hores de funcionamientu continuu dependiendo del usu.
El sistema de software de Pepper basóse en NAOqi, plataforma compartida col robot Nao. Esto permitió desenvolver aplicaciones destinaes a recepción, información al públicu, educación y investigación sobre interacción persona-robot. La movilidá sobre ruedes facilitaba'l desplazamientu en suelos planos y espacios comerciales, mentanto los brazos, la cabeza y les manes permitíen acompañar la comunicación verbal con xestos.
La producción de Pepper detúvose en 2020. En 2021, Reuters informó de que SoftBank reducía la so actividá robótica y de que se fabricaren alredor de 27.000 unidaes del robot, nun momentu nel que la demanda comercial quedara per debaxo de les previsiones iniciales.Sam Nussey, «SoftBank shrinks robotics business, stops Pepper production», Reuters, 28 de xunu de 2021. A pesar del final de la fabricación a gran escala, Pepper siguió utilizándose n'instalaciones existentes, enseñanza ya investigación.
Referencies
Enllaces esternos
Categoría:Robots humanoides