L'Equipu All-NBA () ye un gallardón añal otorgáu pola NBA a los meyores xugadores de la temporada. La votación realízala un grupu de periodistes y llocutores deportivos de los Estaos Xuníos y de Canadá. Esti quintetu va siendo elixíu cada temporada de la NBA dende la so inauguración en 1946. El premiu ta formáu por trés quintetos compuestos por un total de 15 xugadores, cinco en cada equipu. Orixinalmente componíase de dos equipos, pero en 1988 aumentó a trés.
Votaciones Los xugadores reciben cinco puntos por cada votu nel primer equipu, trés puntos per cada votu nel segundu equipu y un puntu per cada votu nel tercer equipu. Los cinco xugadores con mayor númberu de puntos totales entren nel primer equipu, colos siguientes cinco xugadores integrando el segundu equipu y asina socesivamente. En casu d'empate na quinta posición de cualquier equipu, el quintetu amplíase a seis xugadores. Solamente producióse un empate en 1952, cuando Bob Davies y Dolph Schayes empataron en votos recibíos. Dende 1946 hasta 1955, los xugadores escoyéronse ensin tener en cuenta la so posición nel terrén de xuegu. Sicasí, a partir de 1956 cada equipu ta formáu por dos aleros, un pívot, y dos bases/escoltes.
LeBron James tien el récord de más selecciones totales con 17, síguenlu Kobe Bryant, Tim Duncan y Kareem Abdul Jabbar con 15. Karl Malone y Shaquille O'Neal tienen 14 eleiciones y Dolph Schayes, Bob Cousy, Jerry West, Hakeem Olajuwon y Dirk Nowitzki tienen 12. LeBron James ye'l xugador con más veces nel primer equipu con 13, mientres que Karl Malone y Kobe Bryant síguenlu con 11.
Ganadores Indica xugador n'activu na NBAElixíu pal Basketball Hall of FameXugador (X)Indica la cantidá de vegaes qu'un xugador foi escoyíuXugador<small>(en negrina)Indica el xugador que ganó'l MVP de la Temporada nel mesmu añuEl troféu MVP de la NBA creóse en 1956.
1947-1988