Alionor de Portugal (1328Rodrigues Oliveira, 2013, pach. 217 - 30 d'octubre de 1348), infanta de Portugal y reina consort d'Aragón entre 1347 y 1348.Almeida Rodrigues, 2013. Pach. 89
Yera a zaguera filla naixida d'o matrimonio d'o rei Alifonso IV de Portugal y Beatriz de Castiella, a infanta Alionor yera nieta de Dionís I y Isabel d'Aragón por vía paterna y de Sancho IV de Castiella y María de Molina por vía materna, y chirmana de Pero I de Portugal entre atros.
Biografía thumb|275px|Monasterio de Poblet. Sepulcres d'a Casa d'Aragón Poco se sabe d'a suya nineza. As primeras informacions apareixen a os suyos 18 anyos cuan os reis se disputaban a suya man con a fin de tener o refirme portugués: Alifonso XI de Castiella, que la quereba ta o suyo sobrín, Ferrando d'Aragón y Pero IV d'Aragón, con qui remató casando-se o 14 u o 15 de noviembre de 1347Almeida Rodrigues, 2013. Pach. 93 en Barcelona, de qui estió a segunda muller dimpués d'a muerte de María de Navarra ixe mesmo anyo. Alionor estió a primera y a unica reina d'Aragón naixida de Portugal.Rodrigues Oliveira, 2013. Pach. 221
Morió un anyo dimpués, o 30 d'octubre de 1348 camín enta Exerica, dimpués d'haber contrayiu a peste negra cuan se trobaba en Teruel.Rodrigues Oliveira, 2013. Pach. 93 Encara que bels autors dicen que fue mai d'una filla dita Beatriz que morió estando nina y que fue criada por su avuela materna,Rodrigues Oliveira, 2013. Pach. 222 entre éls Cheronimo de Zurita y Rui de Pina, no bi habió descendencia d'o matrimonio d'a infanta portuguesa y o rei aragonés. En o suyo testamento, Alionor no nombra a ista suposada filla que a suya avuela, a reina Beatriz, menciona en os suyos dos testamentos de 1357 y 1358, en os que diz que as restas d'a chicota Beatriz, probablement filla borde de Pero I de Portugal, que heban estau apedecaus d'antis mas en o convento de Sant Francisco en Santarém, estasen ficaus en a suya tumba.Almeida Rodrigues, 2013. Pach. 94
Primero fue enterrecada en Exerica y no estió dica chunio de 1350, cuan haba retaculau a peste negra, que as suyas restas fuoron tresladadas y apedecadas en o pantión d'os reis en o monesterio de Poblet, seguntes heba dispuesto en o suyo testamento atorgau en septiembre de 1348 en o que quereba estar enterrecada chunto a o suyo mariu.Almeida Rodrigues, 2013. Pach. 93-94
Referencias
Bibliografía Les femmes dans l’espace nord-méditerranéen. Un destin interrompu: Aliénor de Portugal, brève reine d'Aragón. Ana Maria de Seabra Almeida Rodrigues. Etudes Roussillonnaises. Revue d'Historie et d'archéologie Méditterranéennes. Éditions Trabucaire, 2013. Canet-en-Rousillon. Vol. XXV. Pach. 89-96. "Rainhas medievais de Portugal. Dezassete mulheres, duas dinastias, quatro séculos de História". Ana Rodrigues Oliveira. A esfera dos livros, Lisboa. 2010.
Categoría:Consorts de monarcas d'Aragón Categoría:Muertos en Fuent la Reina Categoría:1328 (naixencias) Categoría:1348 (muertes)